حرب الإمارات على السودان دخلت منحنى جديد وخطير جداً…
ما بقت حرب على جبهة عسكرية معينة، بل مؤامرة شاملة لاستهداف الشعب السوداني كله، خدمته، أمنه، وكرامته.
الإمارات بعد ما فشلت في فرض انقلاب حميدتي، وفشلت في كسر إرادة الشعب السوداني، لجأت للخطة (ب)عملاء القحاطة و الجنجويد و حكومة البديلة وفشلت برضوا .. الخطة الجديده :
ضرب المواطن في قلب حياته اليومية.
بدأت المؤامرة تتحول لحرب شاملة على كل السودان، وبتستخدم فيها الطائرات المسيّرة لقصف المطارات، محطات الكهرباء، المستودعات الحيوية، وحتى المستشفيات.
حرب المسيرات دي نوع من الحروب فشلت فيهو #أقوي #دفاع #جوي جيش في العالم روسيا ضد اوكرانيا..السعودية ضد الحوثيين ..اسرائيل مع ايران ..كلها تفشل تماماً في التصدي ليها
الهجمات دي مش صدفة. دا مخطط واضح لضرب السودان من الداخل.
• ضرب مطار بورتسودان بطائرات مسيّرة، محاولة لعزل السودان عن العالم.
• استهداف مستودعات النفط وحرقها في بورتسودان، عشان يخلقوا أزمة وقود وشلل تام.
• قصف محطات الكهرباء في عطبرة، الدبة، مروي، الفاشر، يهدف لإغراق الشعب في الظلام والعطش والشلل الاقتصادي.
• دعم القصف العشوائي على المستشفيات والمدنيين في الفاشر، لترهيب الناس وإجبارهم على النزوح.
• الطيران الإماراتي يستهدف البنية التحتية، من مطارات لخطوط كهرباء ومخازن غذاء.
دي ما حرب بين جيشين. دي حرب نفسية على الشعب السوداني.
الحرب دي دمرت كل الحامعات و المعاهد و المتاحف و المستشفيات .. حتي (النيزك) سرقوهو
ف زي ما قلنا قبيل أخطر حاجة في المسيّرات إنها ما بتتواجه بسهولة، وأكبر الجيوش ما قدرت توقفها. الإمارات بتراهن إننا ح نسكت ونكتم، لكن سلاحنا الإعلامي أقوى من صواريخهم.
علينا نكون واضحين في كل منشور وكل بوست:
• الإمارات تهاجم المدنيين السودانيين.
• الإمارات تقصف البنية التحتية للسودان.
• الإمارات تموّل تدمير السودان.
واجبنا كسودانيين ما بس في جبهة القتال، بل في جبهة الوعي.
الإعلام هو سلاحنا، وأكتر شي بيربكهم.
كل بوست، كل صورة، كل كلمة… رصاصة في صدر المؤامرة.
ما تنسى الهشتاق الموحد:
#الإمارات_تقصف_السودان
#الكرامة_ما_بتنهزم
#السودان_لن_ينكسر
19
5
16 مايو 2025 6 آلاف 1
