“လွမ်းချင်းတေးတစ်ပုဒ်ရဲ့ ငှက်ငယ်”
Liz And The Blue Bird [2018]
(Liz To Aoi Tori)🇯🇵
Genres: Romance, Drama,
Musical, Coming-of-Age
"စွန့်လွှတ်ခြင်း" ဆိုတာ အကောင်းနဲ့အဆိုးနဲ့ ဒွန်တွဲနေတတ်တဲ့အရာတစ်ခုမဟုတ်လား...? တစ်ချို့သော စွန့်လွှတ်ခြင်းတွေဟာ ရွေးချယ်စရာမရှိတော့တာကြောင့်လဲ ဖြစ်နေတတ်ပါတယ်။ ဒါပေမယ့် အဲ့လိုမျိုး ကြုံတွေ့ရတဲ့အခါ ဝမ်းနည်းသည်ဖြစ်စေ၊ ဝမ်းသာသည်ဖြစ်စေ၊ လက်ခံတတ်ဖို့တော့ လိုမယ်ထင်ပါတယ်...
[GL Movie]
ဒီဇာတ်လမ်းလေးကို Fairy Tale တစ်ပုဒ်နဲ့ စဖွင့်ထားတာကြောင့် မြင်ဖူးနေကျ Anime တွေလို မှော်ဆန်ဆန်ကမ္ဘာတစ်ခုကို ရောက်သွားမယ်လို့ ထင်မိနိုင်ပေမဲ့… တကယ်တမ်းမှာတော့ အဲ့ဒီအချက်ကနေစပြီး အဆုံးထိ လွဲတော့တာပါပဲ။ ဇာတ်လမ်းက မှော်ပညာတွေထက် ပိုနူးညံ့ပြီး ပိုနာကျင်ရတဲ့ လူနှစ်ယောက်ကြားက ဆက်ဆံရေးတစ်ခုကို ပြောပြထားတာပါ။ အထက်တန်းနောက်ဆုံးနှစ်ကို ရောက်နေကြတဲ့ Mizore နဲ့ Nozomi ဟာ ကျောင်းရဲ့ Concert Band မှာ အတူတူတီးခတ်နေကြတဲ့ အခင်ဆုံးသူငယ်ချင်းနှစ်ယောက်ပါ။ သူတို့နှစ်ယောက်ဟာ တစ်ယောက်နဲ့တစ်ယောက် အရမ်းနီးကပ်နေကြပေမဲ့ တစ်ယောက်စီရဲ့စိတ်ထဲမှာတော့ မပြောဖြစ်ခဲ့တဲ့အရာတွေ၊ နားလည်မှုလွဲနေတဲ့အရာတွေ အများကြီးရှိနေပါတယ်။ ကျောင်းပွဲအတွက် “Liz and the Blue Bird” ဆိုတဲ့ သီချင်းကို အတူတူလေ့ကျင့်ကြရင်း သူတို့နှစ်ယောက်ရဲ့ ဆက်ဆံရေးက အဲဒီ Fairy Tale ထဲက Liz နဲ့ Blue Bird တို့နဲ့ တဖြည်းဖြည်း ဆင်တူလာပါတော့တယ်။ တစ်ယောက်က အမြဲတမ်း အနားမှာရှိစေချင်သလို၊ တစ်ယောက်ကတော့ ကိုယ့်လမ်းကိုယ် ဆက်လျှောက်ဖို့အတွက် ပျံသန်းထွက်ခွာရမယ့်အချိန်ကို ရင်ဆိုင်စောင့်ဆိုင်းနေရပါတယ်။ အခင်ဆုံးသူငယ်ချင်းဆိုတဲ့ စကားတစ်ခွန်းနဲ့တောင် အပြည့်အဝမဖော်ပြနိုင်တော့တဲ့ သူတို့နှစ်ယောက်ရဲ့ ခင်မင်မှုဟာ ပြောမထွက်တဲ့စကားတွေနဲ့ မသိမသာ နားလည်မှုအလွဲတွေကြားမှာ တဖြည်းဖြည်း အက်ကြောင်းတွေဖြစ်လာပါတယ်။ ဒါပေမဲ့ သူတို့ကိုယ်တိုင်လည်း အဲ့ဒီအက်ကြောင်းတွေကို ဘယ်လိုပြန်ပြင်ရမလဲဆိုတာ မသိကြပါဘူး။ နောက်ဆုံးနှစ်ရဲ့ နောက်ဆုံးရက်တွေ နီးလာတာနဲ့အမျှ သူတို့နှစ်ယောက်လည်း မကြာခင်မှာ ကိုယ့်လမ်းကိုယ် လျှောက်ကြရတော့မယ်ဆိုတာ သိလာကြပါတယ်။ ဒါကြောင့် အတူတူကုန်ဆုံးခဲ့တဲ့အချိန်တွေ၊ မပြောဖြစ်ခဲ့တဲ့စကားတွေ၊ တစ်ယောက်ကိုတစ်ယောက် နားလည်ဖို့ ကြိုးစားခဲ့ကြတဲ့ အခိုက်အတန့်တွေကို ရင်ဆိုင်ရင်း သူတို့ရဲ့ခင်မင်မှုကို ပြန်လည်ရှာဖွေဖို့ ကြိုးစားကြပါတော့တယ်။ Liz and the Blue Bird က ကြီးမားတဲ့ဖြစ်ရပ်တွေ၊ ထူးဆန်းတဲ့မှော်ပညာတွေထက် လူနှစ်ယောက်ကြားမှာ ရှိနေတဲ့ မပြောဖြစ်တဲ့ ခံစားချက်လေးတွေကို တိတ်တိတ်လေး ပြောပြသွားတဲ့ဇာတ်လမ်းပါ။ တစ်ခါတလေ ကိုယ်ချစ်ခင်တဲ့သူတစ်ယောက်ကို လက်မလွှတ်ချင်တာနဲ့ သူ့ကို သူ့လမ်းသူ လျှောက်ခွင့်ပေးရမယ့်အချိန်ကြားမှာ ဘယ်လောက်တောင် နာကျင်ရလဲဆိုတာကိုလည်း နူးနူးညံ့ညံ့လေး ခံစားရစေမှာပါ...
Private ချန်နယ်လေးမို့ အရင်ဂျွိုင်းပြီးမှ anime ကြည့်ရန်ဆိုတာလေး နှိပ်ပေးပါဗျ
- ချန်နယ်အရင် ဂျွိုင်းရန်
https://t.me/+qQC1PfGnAGM0Mzc1
- Anime ကြည့်ရန်
https://t.me/c/2565444214/540
ချန်နယ်မှာကြော်ငြာထည့်သွင်းလိုပါက telegram acc @HARRINGTON_05
သို့ ဆက်သွယ်စုံစမ်းနိုင်ပါသည်။
