الصحبه يارسول الله: post #9090 — TG.ME

الصحبه يارسول الله@anaslafe · 425 subscribers Open in TelegramOpen

#وردك_زادك

t.me/anaslafe/9090 Translate

August 31, 2026 10 1

More from this channel

فيه حاجات كتير جدًا في حياتنا مش هنقدر نرجعها بعد ما تحصل، ومن أخطرها الكلام! الكلمة لما تخرج منك مش هتعرف ترجعها تاني، وممكن تفضل في قلب شخص سنين حتى لو إنت نسيتها بعد دقايق! والنبي ﷺ قال: "مَن كانَ يُؤمِنُ باللهِ واليَومِ الآخِرِ فليَقُلْ خَيرًا أو ليصمُتْ" فقبل ما تقول حاجة اسأل نفسك: هل دي حقيقة؟ هل محتاجة تتقال؟ هل وقتها مناسب؟ هل ممكن تجرح حد؟ هل ترضي الله عز وجل؟ الصح إنك تعرف إمتى تتكلم وإمتى تسكت، ولما تتكلم تخلي كلامك طيب، وله هدف طيب. اللهم ارزقنا لسانًا طيبًا لا ينطق إلا بالطيب. 1Sep 2 كل واحد فينا عنده حاجات مش بيحب حد يعرفها عنه.. أخطاء قديمة، لحظات ضعف، قرارات ندم عليها، وحاجات ربنا سترها عليه. فزي ما إنت بتحب إن ربنا يسترك، متبقاش مستني زلات الناس عشان تحكي فيها وتتكلم عنها! قال ﷺ: "...مَن سَتَرَ مُسلِمًا سَتَرَه اللهُ يَومَ القيامةِ".. فمش كل حاجة تعرفها لازم تقولها، ومش كل غلطة تشوفها لازم تحكيها لحد تاني. ومش معنى إنك عرفت حاجة عن شخص إن بقى من حقك تنشرها. خليك رحيم بالمخطئ، ومتخليش معرفتك بضعفه سبب في فضحه. اللهم استرنا سترًا جميلًا في الدنيا والآخرة. 6Sep 1 ساعات بتأجل الصلاة وتقول هخلص اللي في إيدي الأول، هقوم كمان عشر دقايق.. فتبقى بتعامل الصلاة كأنها الحاجة اللي بتعملها لما تفضى، ومجرد مهمة بتحاول تحشرها وسط يومك! مع إنها المفروض تكون هي اللي بتنظم اليوم كله.. قال تعالى: ﴿إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا﴾ يعني ليها وقت، ومش المفروض تفضل تتأجل لحد ما تخلص كل اللي وراك! ولو ركزت هتلاقي إن أغلب الحاجات اللي بتقول عليها "مهمة جدًا" هتخلص في الآخر، لكن الصلاة لو ضاعت منك وخرجت عن وقتها مش هتعرف ترجع الدقيقة اللي راحت. فمتستناش تفضى عشان تصلي، ورتب يومك حوالين الصلاة، مش العكس. 15Aug 30 أوقات كتير بتغلط نفس الغلطة أكتر من مرة، فتبدأ تحس إن مفيش فايدة وإنك خلاص بقيت كدا ومش هتتغير! وساعتها ممكن تستسلم للذنب بدل ما تحاربه، وتنسى إن المطلوب منك مش إنك متغلطش أبدًا، لكن إنك كل ما تقع تقوم وترجع. قال ﷺ: "كلُّ ابنِ آدمَ خطَّاءٌ، وخيرُ الخطَّائينَ التَّوَّابونَ".. فمتخليش الشيطان يقنعك إن كثرة وقوعك معناها إن باب التوبة اتقفل في وشك، ومتقعدش تحاكم نفسك على النسخة القديمة منك طول الوقت! ارجع لربنا كل مرة، وحاول كل مرة تكون أحسن من اللي قبلها.. 19Aug 29 لا تدعوا ساعات الليل تمر دون ركعات قيام و استغفار بالأسحار،، فقد كان رسول الله ﷺ لا يدع قيام الليل،، وكان إذا مرض صلّى قاعدًا قيام الليل شرف المؤمن 19Aug 28