حقيقة الـ ( أنا ) !
تخيل خبط على بابك يوم من الأيام شيخ..
فتحت الباب ، إي ده النبي صلى الله عليه وسلم!
إتفضل إتفضل ، يااا ،،،، حد يطفي التلفزيون بسرعه
الأغاني يبني بسرعه إطفيها ،،،، التلفون دا إدفنه خالص دا لو النبي صلى الله عليه وسلم فتح تلفوني وشاف اللي عليه هيكون شكلي وحش أوي .
والله يا رسول الله أنا كنت سمعت عنك درس كده بس ، أهو كسلت أكمل الصراحة بس هو كان جميل .
ولو الرسول صلى الله عليه وسلم قالك / مش هتخرج!
إنت : نخرج فين ، وتشوف الناس والدنيا ، طاب وتشوفني وانا بتعامل مع الناس !
طيب لو قالك إي اللي في إيدك دا !
هتقوله ، أه دا تلفون
لو قالك إفتحه : ها؟ لا مش مهم ( لو فتحه وشاف الناس الي متابعهم هكون حقير أوي قدامه بجد ، الفون مليان فيديوز ، أه والتيك توك شيله خالص )
لو سألك حفظت قد إي من القرآن ؟
أه كنت حافظ كام جزء كده بس مشاغل يعني مشاغل وكده مكملتش بس كنت ناوي يعني
لو سألك إي هيا المشاغل؟
إنت : ها؟!
طيب القيام ؟؛
ـ والله يعني مبصليش ، دا بعدي الفروض بالعافية يا راجل .
والسنن ؟!
لا والله ، مفيش وقت
وقتك فين !
ـ ها؟!
بتقضي يومك إزاي...
ـ لا أصل بنام طول النهار ، ووو ( لا مينفعش أحكي خالص بذمتك دا يوم يتحكي)!
ـ هو مش فاكر يومي بيمشي إزاي
طيب بتعامل أهلك إزاي والبر ؟
ـ لو سمعني قبل ما يجي بزعق لماما! (اااا ، بحاول يعني بردو )
تعرف إي عن العقيدة ؟
ـ ها؟
طيب الغزوات ؟
ـ ها ؟
طيب تعرف أي عن الفقه والأحكام ؟
ـ ها ؟
القرآن فاهم معانيه ؟
ـ ها ؟
يعني إي ( فسيكفيكهم الله )؟
ـ ها ؟
ـ بس انا مُسلم وأحسن من غيري الحمدلله..
راجع نفسك ، يا من أسلم لساناً ، ولم يدخل الإيمان قلبه ....
#تَعلمتُ
🤎.
9
2January 6, 2025 3.5K 2
