السلام عليكم أستاذ
شلونك أستاذ
يا رب تكون بألف خير 🌹
أستاذ اني طالب عندك الكتروني دفعة 2026 الحمد للّٰه والشكر بفضل اللّٰه درجتي 100
قال الإمام الرضا (عليه السلام):
[مَنْ لَمْ يَشْكُرِ الْمُنْعِمَ مِنَ الْمَخْلُوقِينَ لَمْ يَشْكُرِ اللَّهَ عَزَّ وَجَلَّ]
انطلاقاً من هذا الحديث الشريف أحب أشكرك من أعماق گلبي يا أستاذي 🌹💐 على كل تعب تعبته ويانه وعلى كل معلومة وصلته إلنه وعلى حرصك علينه وعلى كل سهر سهرتهُ ويانه وشكراً لان بسطت إلنا المعلومة ما راح انساك أبداً يا أستاذ 🥺 ولا قصرت ويانه ابداً
تدري أستاذ اتمنى يرجع السادس !!
مو اشتياقاً للمواد الصعبة بس اشتياقاً إلك يا أستاذ وللنصائح اللي جنت تگوله إلنه ولمن جنت بأثناء المحاضرة تحاول شوية تطلعنه من جو المحاضرة وتسولف إلنه أشياء تخلينه نضحك أو نبتسم 😊 ما انسه هاي المواقف
يا رب بميزان حسناتك اللّٰه يوفقك أستاذ بالدنيا وبالآخرة إن شاء اللّٰه أشوفك بأعلى المراتب بحق محمد وآل محمد
اريدك تبريلي الذمة خاف فد يوم ما امتحنت او صدر من عندي شي غلط بشكل متعمد أو غير متعمد
هاا تذكرت شغلة 😊 أستاذ اريدك تبرلي الذمة لان مرات بالمحاضرة تذممنه على شيء واني ما اسوي لان اتعجاز او اتعمد ما اسوي المهم اريدك تبريلي الذمة أستاذ
آسف لأن طولت عليك أستاذ بس اني نقطة ضعفي الفراق والوداع 💔 أحبك أستاذ ♥️
لو يصير عمري 100 سنة ما راح انساك ...
وبالنهاية اگول عما قال الشاعر أبو العتاهية:
لَئِنْ غِبْتَ عَنْ عَيْنِي وَنَائِيْتَ بِالنَّوَى
فَإِنَّكَ فِي قَلْبِي حَاضِرٌ لا تَغِيبُ 💔🥺🫂
مع السلامة أستاذ 💐🌹🫂
Forwarded fromمـޢޢــرتـޢޢــضى
180
6
3
2
2August 24, 2026 17K 23
