المستهل الى احد الخادمات طلبت مني اكمل عليه
قصيده الى الرسول الكريم
مولاتنا الزهراء تشكي حالها لوالدها
المستهل 👇👇👇👇👇
احن الحضنك وتهمل يعيني
وين الجان عطفه يحتويني
اون مكسور ضلعي
بويه وشوف وضعي
اكعد بويه ويـــاي ......اكعد بويه ويـاي
ــــــــــــــــــــــــــــــــــــــــــــــــــــــــــــ
أصفن واذكر ايامي الچنت بيها
من تدخل علــــي داري تضـويها
البنت اخلاف ابوها شلون تاليها
وحيده وبالنزل من ينشد عليها
عليك يهل يدمعي
أگعد شوف وضعي
أگعد بويه ويـاي،،،، أگعد بويه ويـاي
ــــــــــــــــــــــــــــــــــــــــــــــــــــــــ
اسمع يبو الزهره احچيلك الصار
مـن هجمو عليــه گــوم الشرار
بـويـه مارعـــوني وحرگــو الــدار
بضلع بنتك يبـــويه نبت مسمار
تراني ازداد وجعي
بويه وصعب وضعي
أگعد بويه ويـاي،،،، أگعد بويه ويـاي
ــــــــــــــــــــــــــــــــــــــــــــــــــــــــــ
گوم الهجمت عليه يبو الزهره
صطروني اعله عيني وبينت حمره
ويم گبرگ أجيت آنه اشتكي اليجره
يبو براهيم صعبه ظربت الحره
گوم انتهض لجلي
بويه وشوف وضعي
بويه ويـاي أگعد،،،، بويه أگعد ويـاي
ـــــــــــــــــــــــــــــــــــــــــــــــــــــــ
رجعت منك يبويه ومالي احباب
يـم بيـتك اجيـت وعيني عل الباب
عصروني يبـويه الگالو اصحاب
حرگـو باب بيتي وكلهم اجناب
وانـه سال دمعي
بويه وشوف وضعي
أگعد بويه ويـاي،،،، أگعد بويه ويـاي
ـــــــــــــــــــــــــــــــــــــــــــــــــــــــــ
راح اختم ويـاك اخــــر كلامـي
ويبو براهيم اجيك بضلع دامي
خلصن بـــويه وي حيدر أيـامي
گربت ســـاعة اوداع الغـــوالي
بويه وكثر همي
أگعد شوف وضعي
أگعد بويه ويـاي،،،، أگعد بويه ويـاي
ــــــــــــــــــــــــــــــــــــــــــــــــــــــ
بالقلم المتواضع لخادمه الحبيب الملا ام سيف الدين ناصريه العمل مهداة الى مولاي صاحب الزمان
https://t.me/ma_x72w
Forwarded fromخادمة الحبيب الملا ام سيف الدين
Telegram
خادمة الحبيب الملا ام سيف الدين
انه غير حسين ماعندي حبيب هوا روحي ودنيتي وهوا الطبيب
لولا حب الحسين لم يكن لنا وجود
https://t.me/ma_x72w
September 2, 2026 388 6
