قصيدة للعسكري عليه السلام
{ مستهل القصيدة }
اليوم امن الصبح - راحو يغسلونه
والمهدي اعله ابوه ايصبن عيونه
✫───⊹⊰⊹───✫
نرجس للمصيبة شدت الحيل
ابو المهدي توفه اوماله تعطيل
بلديوان كعدو اورتلو ترتيل
{ رتلو القران - اعله الهيبه }
✫───⊹⊰⊹───✫
يلمهدي ننوح اليوم كل احنه
لطمة ونايحه لمصابه بالونه
ردناه للمعاجز دوم عز النه
{ ايفكدونه - ياحيف اليوم }
✫───⊹⊰⊹───✫
المهدي غسله والعين يجريها
اولفه بلچفن وينوح تاليها
يكله اعليك بويه الناس تهديها
{ ويغسل وينوح لعوده }
✫───⊹⊰⊹───✫
لفه بلچفن ويصيح يايابه
ضلت واكفه بلباب طلابه
يوم المات كلها انفجعت احبابه
{ يالمهدي امصابه - اماذينه }
✫───⊹⊰⊹───✫
حيله منهدم وينوح لمصابه
شال العسكري وعيونه سچابه
ونيران الكلب بفراكه لهابه
{ ماردناه - يغرب عنه }
✫───⊹⊰⊹───✫
يومك ياحسن يصعب عله الشيعه
انته المعتمد والناس تشييعه
تريد اتشيعه بدموع مسفوحه
{ ويه ابنه اتشيله - العوانه }
✫───⊹⊰⊹───✫
تمت بعون الله تعاله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح الشاعره ام تحسين
https://t.me/a1230th
Telegram
الشاعره إم تحسين البصره
ثواب هذه القصائد لأهل البيت جميعآ
وعلى روح الشاعره ام تحسين الفاتحه
1August 22, 2026 525 21
