سلسلة AlphaZ التعريفية بالسنة السادسة والامتحان الوطني
البوست الأول
شو هي السنة السادسة؟ 🤔
🔵 هي السنة تقريباً مقسومة لجزئين
الجزء الأول هو فترة الستاجات
والجزء التاني هو بعد الستاجات والتفرغ لدراسة الامتحان الوطني 🔥
🟡 الستاجات
تختلف من محافظة لتانية، ومن ستاج لستاج
من حيث صعوبة الستاج، دوامه، مقابلته
بس بشكل عام الستاجات مالا شي نخاف منه وأغلبها بتعدي من دون ما نحس فيا😁
🔵 شو المطلوب مننا كطلاب طب بالستاجات؟؟
- النجاح بجميع المقابلات للتأهل لتقديم الفحص الوطني
- ضمان علامة جيدة في الستاج بسبب القوانين الجديدة اللي بتشمل دخول علامات الستاج بالمعدل النهائي (نسبتها تقريباً 3%)
🟡 طيب كيف فينا نوازن الستاجات ونجيب علامة فيها مع دراسة الوطني؟؟
- الموازنة هامة أكيد، لكن اللي ما بيقدر يوازن أكيد عنده وقت
بعد فترة الستاجات في تقريباً 4 شهور متفرغة للامتحان الوطني، فاللي ما قدر يدرس وطني مع الستاجات لسا أموره رواق
- طيب كيف نوازن؟ أنو تدرسو كل مادة مع ستاجها
هيك بتكونو درستو جزء من الوطني + جمعتو معلومات لمقابلة الستاج
🔴 شو مشاكل هالأسلوب؟
صعب ندرس كلشي مع الستاج
مثلا ستاج الداخلية صعب ندرس معه كل الداخليات، ونفس الشي بالنسبة للجراحات
بس هون فيكن تختارو كم داخلية وكم جراحة
مثلا كداخليات، قلبية وهضمية وكلية وغدية بكفي خلال الستاج
الستاجات اللي بتقدرو تخلصو موادها معها: عيادات، نسائية وتوليد
طيب في طريقة تانية للموازنة؟؟
في وهي أفضل برأيي 😎
انو نحن نحط برنامج لدراسة الفحص الوطني بغض النظر عن الستاجات
ونحضر للستاجات بوقتها بخسب متطلبات كل ستاج بناء على تجارب الدفعات السابقة وملفات الستاج المتوفرة
🟡 طيب ضروري ابلش دراسة للوطني من هلق؟؟ والله تعبت من الخامسة وبدي اريح شوي!! 😔
بالعكس، يفضل اصلا أنو ما تبلشو دراسة من هلق، لعدة أسباب
1- الدراسة الجدية للوطني يكفيا 6-7 أشهر بالكتير حتى من أكبر المصادر، اكتر من هيك رح تملو وتنسو المعلومات الأساسية
2- على الأقل ننتظر حتى الدفعة القبلكن يقدمو فحصن حتى نعرف متغيرات الفحص وبناء عليه ممكن يتم تحديث النوط
ممكن يجي أسئلة من فقرات ما كانت تجي قبل
ممكن تجي فقرات جديدة
فالانتظار أفضل مبدئياً
🔵 طيب غير التعريف النظري للسنة السادسة، شوي فائدتا النا فعلياً؟؟
- هي السنة اللي رح تجمعو فيها كل معلوماتكن اللي درستوها بالطب، وتربطوها مع بعضها، وتستفيدو منها بعد التخرج لتصيرو أطباء حقيقيين ❤🔥
لكن بشرط... أنو الدراسة تتم بشكل صحيح، فهمي وحفظي، ويعتمد على المنطق
وبعبارة أخرى، أنو تدرسو AlphaZ 😁💪
والدراسة بهالطريقة بتضمن المعدل العالي، وبتضمن ترسيخ المعلومات الطبية لمستقبلنا
لا تخلو حدا يكذب عليكن ويقلكن أن فهم المعلومة هو تضييع وقت ورح يخسركن علامات
فهم المعلومة والتحليل السريري هو أهم خطوة في حفظها للمعلومة وبالتالي الإجابة على سؤالها
البعض بفضل دراسة شي خفيف يحتوي معلومة الدورات ويمشي... بهدف اختصار الوقت
بس هاد غير كافي
وحتى أحياناً بياخد وقت أكتر...
الطالب المعتاد على التفكير المنطقي
ممكن يخلص 100 صفحة مشروحة مع صور وسياق فهمي بشكل أسرع من 30 صفحة مضغوطة وفيها بس تعدادات للفحص
لهيك نصيحتنا الكن أنو تستغلو هالسنة صح لترممو كل العلم اللي حصلتوه خلال سنوات الطب
والدراسة الصحيحة ليست مناقضاً للمعدل العالي
بالعكس، هنن خطين منطبقين بكامل نقاطن
🟡 تاني شغلة بتفيدكن بهالسنة
أنها طويلة
لا تاخدوها سنة دراسة وبس...
فيكن تعملو كتير شغلات تطور مهارات كتيرة عندكن
تطوع، بحث علمي، رحلات، رياضة، لغة...
شاركو بالنشاطات اللي بتقدرو عليها، جربو أشياء جديدة
🔵 لكن.... بانتظااام
طالما في خطة وبرنامج صحيح
كلشي رح يمشي صح بإذن الله
تابعونا ببوستات قادمة، المسا انشالله بوست عن الفحص الوطني
وبعده بوستات عن كل مادة بشكل منفصل
AlphaZ : الامتحان الوطني، في أيدٍ أمينة 💙💛
صفحتنا على فيسبوك
صفحتنا على انستغرام
