هذه اراء المشتركين بعد اتصال البارحة :
شكرا جزيلا صححت النا هواي أشياء
تسلسل الأفكار والطريقة والتواضع وحدهن 100% وحبنا الك صفر عليهن ❤️
—
والله الاتصال حلو خله عندي ثقة بنفسي انو
اكدر اجتاز هاي شهرين بامتياز
وان شاء الله راح اخذ بنصاءح الي كلتهن
والله يوفقك ويسخر الناس الك وين ما تخطي
—
بما أنهُ خلصت المحاضره وطلبت أرائنا الصريحه..رأيي وهوا انه المحاضره چانت جداّ شيقه ومواضيعها واقعيه والحلول كذلك يعني ماكو أي قاعده للنجاح..
او فد لغز...چنت متخيله انه راح تحجي عن الانضباط وتكول اهم شيء نكعد من وقت وندرس 15 ساعه..ووو الى اخره... لكن جانت سلسه وممتعه... بالتوفيق وعاشت إيدك
—
اكيد محاضرة مفيدة جدا و اهم شي واقعية
تذكيرات و تنبيهات مفيدة و مهمة و مثل ما كلت مو بس للسادس لا هاي Life style
من بداية اللقاء لنهايته مفيد و بي افكار مهمة
بس من الاشياء السلبية انو رفضت بشكل تام الفكرة الاخرى ، يعني مثلا كلت لا تقره اكثر من ٣ مواد باليوم او انو غلط تقره ٤٠ دقيقة و تاخذ راحة ( فعلا هالشي صحيح بس لبعض الناس و حته هالناس ممكن يتغير الوضع بعد فترة و ما يكدرون يركزون لفترات اطول … فطريقة الجلسات القصيرة مع استراحات بسيطة مو بالضرورة فاشلة دائما ) و اكيد الافضل الانسان يبني عادة التركيز لساعات طويلة بس تحتاج فترة يله تنبني هالعادة اني احتاجيت ١٠ سنين دراسية مجتهدة حته اوصل ل ٥ ساعات متواصلة تركيز تام و بدون تشتت و الوضع طبيعي
حبيت اذكر هالشي حتى بالأشياء المستقبلية العظيمة الي راح تقدمها مثل هالمحاضرة تنوه على اختلافات الناس و انو هي شي طبيعي جدا و اتمنى تعتبره نقد بناء
و بالتوفيق الك و النا و الله يساعدك و يوفقك و يخلي هذا العلم الي دتقدمه بميزان حسانتك بيوم الحساب ، شكرا الك .
—
كلام المحاضرة جان كلش واقعي وحسسنه ب الوقت الباقي نقدر نطلع المعدل العالي وبين النا السادس بصورة ابسط وكل شخص اله قصة عن غيره مختلفه ب السادس بس بالنهاية يكونون ثنينهم مطلعين معدل وخلانا نركز على امور ماجنه مخلين الها هواي اهتمام واهم شي ثقة بنفسنه صارت اكثر وب الايام الجايه حتكون اكثر وهاي اكثر الاشياء الي يحتاج الطالب يسمعهم ويثق بيهم وخصوصا بهذي الفترة شكرا جزيلا وربي يوفقك
21April 18, 2025 2.1K 4
