عفيه عيني اشگد عنيده
لسه تحلم بالخضار
مغوش بعمري النهار
وكلشي ليل
بكل صفار
تسمر بوجهي گمر
تناغي الشگار
اتريدني اتوچه على نجمة
انا مامحتار
بس خلتني حاير
بين اعوف الصدگ
واتعافة واچذب كل سمار
وبين احدب
وابقى شاعر بأنتظار
وانا ما احب القرارات الخطيرة
المدري شيسمونه يجوز اختيار
انا يومية افز اغسل هويتي
حتى ماحس بحتقار
انا حر نفسي واغانيي على حزني
باچر من اتوفى بس انا اموت
محد يجيس الشرار
... علي نغيمش
January 31, 2024 332 1
