وانا ازغير
انت احديثه ما منچ
كبرت انا وكبر حزني
وشكو ازغير كبر وياي
وانت احديثه يا عنچ
اسولف تعبچ المتني
اگله اشثگلك بعيني
خفيفة التارسه اسنيني
مشيت انا ومشه كلشي
وانت الواگفه برمشي
انت احديثه ماتمشي
يا يقضة الدنيا ويا جنون الكون
يا اغلى البشر يا كون گبل الكون
عجزت انا وغديت اجفون
وانت احديثه كحل عيون
كل ما شوف شيله اتخيل ارسومچ
كل ما اگول اخ اتذكر اهمومچ
شحلاتچ انت من يومچ
احديثه وخابصة اهدومچ
اترجاچ ليليه
واصحه من الصبح بأسمچ
بياض يكت ذهب وجهچ
انت احديثه ماچنچ
خذاچ الموت
والعايش چذب حزنچ
... علي نغيمش
February 20, 2023 282 2
