شنهي الفايدة من اتعيد وتزيد
تره حيدر علي ماعايز الها
ملقب من خلق ماعايز اللقاب
بس احجية ومحد گدر حلها
يقيناً محد يعرفك يبو حسين
لهذا تخلبصت بيد اليفلها
علي جدو بأسمك مايخجلون
مو من عوز جدو حتى كلها
تصير بلاوعي وتصبح خرافات
بجهل مو مستتر كشفو حملها
غطو عيبهم بفعالك البيض
مايدرون ابو اتراب بسملها
بذهبها بزينها بنزواته السود
الك گلتله طوعك بس هملها
عرفكم بالنهاية وماعرفتو
ولاچ بقيحكم حدما بزلها
وهذولاك التعبهم جايسه الأخ
جايسهم علي بروحه وخجلها
امفرعه الدنيا اجتك وانت غطيت
وجهك حتى بس انگول ذلها
وانظل انراوح ونضحك عالناس
من باب الزهد واحنه بفشلها
حضنها اليتبعك مدري اليواليك
الطلگه الولي باسو حجلها
علي لو ما علي كل حزب ماصار
هيج بكيفهم ندفو غزلها
وگالو ثم گالو بس بالافعال
يشتمون السقيفه وهم ظلها
…علي نغيمش
August 8, 2020 1K 6
