#نعـي
حك لو عمت لمصيبته العين
مامات مثل الوادم احسين
ياميت اعليه تركض الخيل
من جسمه عبرت للصواوين
حك لو يطيح ابمجلسه الحيل
عليّ انفرد عن المجاتيل
عل مالكوا بمجانه من طاح
لهناك جسمه دنته الخيل
مو ثوب تسوه انطر الكلوب
ماشفنه ميت ثوبه مسلوب
عالضهر كل ميت ينيموا
ومات اعله وجها احسين مكلوب
اثغيب الثواكل نثغب اعليه
المالحكت نسوانه تبجيه
وعافوه بالبر ثلث تيام
مكشوف صدره ومامغطي
طاح وعلت بين الخيم نار
وطلعوا حفايه اصغار واكبار
امن الجمر ركضت لاكت الخيل
واحتار خدر الكافل احتار
حك لو تدك اجفوفنه الهام
يالساده كلب الخّدر انضام
ذبوا العمايم واحنوا الروس
طلعوا زينب من الخيام
يااوف تشفي الكلب يااوف
عل ما لمح خمسينها الشوف
يَّ امة محمد بت علي هاي
مو ايي مره الطلعت بالطفوف
هاشم حنت كدامها الراس
وليها ابشاره ايكوم عباس
تالي الوكت بام الخدر مال
وحد العقيله ابكربله انداس
…
للشاعر/ عباس الشبلاوي
#اللهم_عجل_لوليك_الفرج
September 2, 2026 159 3