في كلام واقف في حلقي من زمان وحابب أحكيه صراحة موضوع أقساط المعاهد والأسعار الفلكية اللي عم تنطلب من المعاهد والمدارس الخاصة أسعار فلكية بل مبالغ بها جدا جدا وياريت في خدمة تقابل هالمبلغ المدفوع يعني لافي جو مناسب للدراسة ولا اعداد نموذجية ولا أماكن بتسع أعداد الطلاب الهائلة اللي عم تتجه لهالمعاهد بعرف معاهد الغرفة الصفية فيها ٣ امتار ب٣ امتار وحاطة ٢٠ طالب بالصف يعني حضرتك لما عم تاخد هالمبلغ الفلكي وما عم تأمن هالأشياء للطالب فانت رسميا نصاب ومستغل لفقر الناس وجوعن وحاجتن للشهادة ورايد تبني امبراطوريتك المالية من قفا عرق آباء الطلاب اللي غالبا عم يتدينوا مشان يوفوا هالقسط وطبعا وزارة التربية نايمة في العسل لا في مراقبة ولافي معايير لهالمعاهد ولاهم يحزنون والمرتشين بالوزارة اللي متعاملين مع مدراء المعاهد وعم ياخدو بلاوي زرقة مشان يعطوهم ترخيص أعداد كبيرة وطبعا صاحب المعهد مارح يدفع رشوة الترخيص من جيبه رح يدفعه من عرق أهالي الطلاب يعني إذا مالك قادر توفر للطلاب بالمدارس الحكومية أساتذة تعلمهم ولا حتى بنية تحتية تستقبلن فلا أقل من إنك تكسر عين أصحاب المعاهد وتخفف من هالظلم اللي عم يصير عالطلاب لازم يطلع سيادة وزير التربية يفهمنا شو خطتو لهالبلد؟ شو خطتوا للتعليم ولوضع المدارس ولوضع المعاهد والمدارس الخاصة؟ شو خطته لحتى يصير التعليم بالبلد حق للكل مو فقط لأولاد الأغنياء وسكان المناطق الراقية والطبقة المهمشة بالمجتمع مو ملاقية تعليم فضلا عن جودته أصلا شو خطته لإعادة نشر التعليم بالأرياف ؟ وبيش واقع الأرياف بالتعليم مزري ؟ شو خطته لإعادة المنقطعين بسبب الحرب ودمجهم بالقطاع التعليمي ؟ شو خطته للطلاب اللي عم تشتغل وهنن بعمر المدرسة ومنقطعين عن المدرسة بسبب الأحوال المادية الصعبة؟ شو خطته لحتى نقدر نخرج طلاب قادرين على بناء سوريا الجديدة وإعمارها ؟ شو خطته لمكافحة هجرة العقول من البلد؟ بصراحة الوضع مزري في قطاع التعليم والوزارة نايمة على أذانها ما عم هاج الوزير بشكل شخصي ومالي علاقة فيه ولا بعرفه بس اللي بعرفه أنه تعليم هالناس برقبته وهو المسؤول والمحاسب أمام الله فلشو هالتسيب والإهمال هاد؟ ليش ما عم نشوف مبادرات وأعمال وتعاقدات لوزارة التربية لتحسين قطاع التعليم؟ ليش ما هالمدارس الخاصة اللي عم تاخد كل هالمصاري ما تتعهد بإعادة إعمار مدرسة حكومية أو تقديم خدمات إلها؟ نحن مع الحكومة ومالنا ضدها بس بنفس الوقت اللي بيأخطئ لازم نقله أنت خطأ لأنه إذا ما عملنا هيك رح نرجع متل قبل وأسوأ #سلام
54
30
5
3
1
