س/ ماهو قسم صيانة الاجهزة الطبية وكم مدة الدراسة بي ؟ وهل بي سادس وزاري؟
ج/ هوة قسم من اقسام الصناعة التابع للتعليم المهني مدة الدراسة 3 سنوات ونعم السنة الاخيرة الي هية مرحلة ثالثة وزاري وهية التحدد مصيرك
س/ الدراسة سهلة ام صعبة ؟ وكم مادة بي
ج/دراستة متوسطة اسهل من العلمي واصعب من الادبي ويتكون من 8 مواد
س/بعد التخرج من السادس صناعي(اجهزة طبية) شنو مستقبلة ؟ ووين ينقبل ؟
ج/هنا راح يعتمد ع معدلك اذا جان معدلك 84 وفوگ وانشملت من الاوائل راح تنقبل هندسة تقنيات اجهزة طبية حكومي صباحي اي الدراسة مجانية بالكلية التقنية فقط لان ابو المهني مايحقلة يقدم ع اي جامعة بس بالكلية التقنية الشمالية او الجنوبية او الوسطى وذا معدلك من 75-83 تنقبل مسائي فقط هندسة الاجهزة الطبية وهندسة الطب الحياتي وهندسة الليزر والبصريات وهندسة المواد الاحيائية والتعويضات الاصطناعية وهندسة القدرة الكهربائية ويكون اقساطهن مليونيين وربع بالسنة
س/ هل التعيين مركزي بعد التخرج من الهندسة؟
ج/ التعيين مركزي بنسبة 25% فقط واحتمال تزداد النسبة مستقبلاً لان المهندس الطبي حالياً مطلوب ومرغوب بالقطاعات الصحية وبالمستشفيات
س/ بي مستقبل بعد التخرج ؟
ج/نعم اذا طورت من نفسك
س/ وين موجود هذا القسم ؟
ج/موجود بكل المحافظات بس اسأل وشوف
س/ماهي مواد قسم صيانة الاجهزة الطبية؟
ج/ عربي_اسلامية_انكليزي_رياضيات_طبيعيات(فيزياء+كيمياء)_علوم صناعية_رسم هندسي_ تدريب عملي
س/اكو تطبيق بالمستشفيات بالاعدادية ؟
ج/ نعم التطبيق الصيفي فقط للمرحلة الاولى(الرابع اعدادي) والمرحلة الثانية(خامس اعدادي) ويكون التطبيق 30 يوم
س/ كم معدل اعدادية صناعة قسم اجهزة طبية ؟
ج/ من اعدادية لاعدادية يختلف المعدل يعني مو ثابت اكو اعداديات تطلب 70 واكو 80 واكو 90 واكو بدون معدل ف المعدل يبقى يم الاعدادية التقدم عليهه
س/ مفتوح التقديم للدور الثاني ؟
ج/ نعم لحد هسة مفتوح والافضل تروح من هسة قبل لا يقبط القسم
واي سؤال بعد اني بالخدمة نسألكم التوفيق والدعاء
t//mad146
2August 22, 2024 359 2 1
