اشتحط يالهاجس
قال المـولعـي يـا اخوانــي
من يشتي عسـل دوعـانــي
في سـوق الجبــر يلقـانــي
حيث الطعم والقـات العـال
عند المقـوتـي بـن فرحــان
تلقــاه الملــك والسلطــــان
رمـــز المقــــوتـة والربـــان
مــا مثلـــه لقينــا رجّـــــال
هِبّــوا واعجلــوا بالسيـــرة
تلقــــوا أحســن التسعيــرة
لا يضحــك عليكُــم غَيــره
بالقــات المـدعـس والفــال
عجّـل يـا محمــد بالقـــات
هات الروس والنقفـة هات
أبعـــد كُـربتـــي والآهــات
واسمـع هاجسي ماذا قـال
تخزينة وقـاتـك مضمــون
لـو تفـرض عليـا مليــــون
حتـى لو يقـولوا مجنـــون
با اخزّن عـوارض واميـال
يابـن العنسـي ادي قـاتــي
أتمتّـــع بأحــلا اوقــاتــــي
واتحــدا الزمـــن بابيــاتـي
واضرب بك بأقوى الأمثال
بـأخــذ مـن يـدك تخـزينـة
أرضــي نفســي المسكينـة
والحــاسـد يغطّــي عينـــه
هـــذا للرجــــــال العقّــــال
خزن واشتحـط يالهاجــس
واضُرب بالعــيار الســادس
تخـــزينــة تســر اليــائــس
تــرتـاح المشــاعـر والبـــال
#الشاعرفرحان_السلامي
August 1, 2026 132
