لكُل بنية دخلت عُمر الـ ١٨ ✨.
هسة بدينا نتغير ونتعلم
وننضج اكثر ونكتشف كل فتره اشياء
وكل يوم نكون اوعى عن اليوم الي قبله
الدنيا اليوم مليانه فتن وتعب ومصالح
وحقاره بشكل كبير وهنا " اول شي
لازم نفكر بيه ونوعى عليه
هوه شلون نحافظ ع روحنا ونحاوطها
بشنو ومع منو و ويا منو
وقبل كلشي شنو الي ممكن يأذينا ويكون
عابر. ومو بمستوانا وحدة من هاي الامور
الاختلاط بدون ضرورة هوه واحد
من الاشياء الي تهلك القلب وتخرب
صفاء الروح لان الإنسان لما يفتح
بابه للناس بلا حدود" يصير عرضه
للطاقة السلبيه " للخذلان" والأشياء
تستهلكه بلا فايدة وجودها من عدمه
اصغر الأمور وتافها الى اكبر تفصيله موجودة
لهذا صنع الحدود مهم لازم يكون
بحياتنا وبكل تفاصيلها
لا تخلون كل الناس تدخل بحياتكم
ولا تثقون بأي احد بسهولة
خلي المواقف تكون ميزانكم
هيه الي تبين الكم الصادق من المزيف
والخير من الشر
تعلمو اي شخص يحسسكم بعدم
الراحه او يهدد قيمتكم غيروهم
استبدلوهم بناس بيهم فائده مو مؤقتين .
وشي اخير ، انتبهو على روحكم وحبوها
راح يصير هواي تغيرات بحياتكم وبنفسكم
وشخصياتكم راح تتغير، حاولو دائما تكونون
سعيدين وراضيين وابقو قرييبين من ربنا
وربي يحفضكم و يوفقكم جميعآ عمري 🫂 .
@x_ayo1
June 21, 2025 224 3
