Itne students se baat karne ke baad kuch cheezein samajh aa rahi hain ki list mein naam na aane ke possible reasons kya ho sakte hain:
1. Cut-off shayad expectations se zyada gayi hai.
2. Jinka Paper 1 score kaafi achha tha, unka bhi selection nahi hua—iska matlab Paper 2 ki marking kaafi strict hui hogi aur marks comparatively kam diye gaye honge.
3. Result mein kuch CAPF 2025 selected candidates bhi hain, jiske wajah se kuch deserving candidates bahar reh gaye.
4. Sirf 1600 students ko select kiya gaya hai, jiski wajah se competition aur cut-off automatically tough ho jaati hai.
Of course, list mein naam na aane ke aur bhi reasons ho sakte hain. But honestly, is baar ka result personally mujhe bhi kaafi disappointing laga. Bahut se deserving candidates, jinhe main personally jaanta hoon, aur kuch last year ke merit-out candidates ka bhi naam list mein nahi hai.
Itni mehnat karne ke baad bhi jab selection nahi hota, aur achhe marks laane ke baad bhi naam list mein nahi aata, to kabhi-kabhi hum give up karne lagte hain, haar maan lete hain. But please, iss time apna mann shaant rakho aur haar mat maanna.
Agar kahin bhi koi doubt ho, mann pareshan ho ya bas kisi se baat karne ka mann kare, to mujhe @iamray28 par message kar sakte ho ya directly 8510060722 par call kar sakte ho.
Bas ek baat yaad rakhna—haar nahi maanni hai. ❤️🇮🇳
Kismat ki sabse khoobsurat aadat pata hai kya hai? Woh waqt aane pe badalti hai. Hamara bhi waqt aayega
