الندم ولا التعب
يا جماعة اسألوا نفسكم بصدق
ايه الأصعب إنك تتعب دلوقتي وتبذل مجهود عشان حلمك ولا توصل ليوم النتيجة وتقول يا ريتني كنت ذاكرت أكتر ويا ريتني استغليت وقتي أحسن
التعب اللي بنحسه دلوقتي مؤقت وهينتهي لكن الندم على فرصة كانت قدامك ومخدتش حقها ممكن يفضل معاك وقت طويل
مش معنى كده إنك تضغط على نفسك لحد ما تنهار لكن معنى الكلام إنك تاخد بالأسباب وتعمل اللي تقدر عليه كل يوم
ذاكر حتى لو مش عندك حماس
ابدأ حتى لو متأخر
كمل حتى لو اليوم مش مثالي
وفي الآخر لما توصل للنتيجة أهم حاجة تكون قادر تقول لنفسك
أنا عملت اللي أقدر عليه ومقصرتش في حلمي
ساعتها حتى لو النتيجة مش بالضبط اللي كنت بتتمناه هتكون راضي عن نفسك لأنك عرفت إنك بذلت كل اللي تقدر عليه
اختار التعب المؤقت بدل الندم الطويل🤍
