በቀበና ሳይት የአዲስ አበባ ከተማ አስተዳደር የብልፅግና ፓርቲ ዋና ጽ/ቤት የ2B+G+14 የቢሮ የህንፃ ግንባታ ፕሮጀክት ስራ በፍጥነትና በጥራት በመከናወን ላይ ይገኛል፡፡
ነሃሴ 14/2018 ዓ.ም፡- የኮንስትራክሽን ዲዛይን ግንባታና ማማከር ድርጅት፣ በስራ ተቋራጭነት እየገነባቸው ከሚገኙ ግዙፍ የግንባታ ስራ ፕሮጀክቶች መካከል፣ በአራዳ ክ/ከተማ ወረዳ 7 አስተዳደር ክልል ውስጥ ልዩ ቦታው በቀበና አካባቢ ሳይት የሚገኘው የአዲስ አበባ ከተማ አስተዳደር የብልፅግና ፓርቲ ዋና ጽ/ቤት የ2B+G+14 የቢሮ ህንፃ ግንባታ ስራ ይገኝበታል፡፡
በ3,310 ካሬ ሜትር በሚሸፍን ቦታ ላይ፣ ግንቦት 9 ቀን 2018 ዓ.ም የግንባታ ስራው ተጀምሮ ነገር ግን በዲዛይን ለውጥና በወሰን ማስከበር ችግር ምክኒያት ለጊዜው ተቋርጦ የነበረው ፕሮጀክት፣ ዳግም ስራውን በነሃሴ 1 ቀን 2018 ዓ.ም በመጀመር በፍጥነት በማከናወን ላይ ይገኛል፡፡
ይህ በድርጅቱ ከፍተኛ አመራሮች የቀንና የምሽት ጊዜያትን ጨምሮ የቅርብ ክትትል፣ድጋፍና አመራር ሰጪነት በመታገዝ በፍጥነትና በጥራት እየተከናወነ የሚገኘው የቢሮ ህንፃ ግንባታ ስራ አሁን ላይ፤ ለግንባታ ስራው የሚያገለግሉ ግብዓቶችንና እቃዎችን የማከማቻ የስቶር ስራ የተጠናቀቀ ሲሆን፤ለማት ፋውንዴሽን የቁፋሮ ስራዎችና የብረት የዝግጅት ስራዎች በመሰራት ላይ የሚገኙ መሆኑን ከሳይቱ የፕሮጀክት ማኔጀር የተገኘው መረጃ ያመለክታል፡፡
ድርጅቱ ባለፈው የበጀት ዓመት ውስጥ ለ3 ክ/ከተሞች የብልፅግና ፓርቲ ቅ/ጽ/ቤቶች፤ /ለአዲስ ከተማ G+4፣ ለለሚ ኩራ G+3 እንዲሁም ለየካ G+0/ የመስሪያ ቢሮ ህንፃዎችን በተቀመጠላቸው ጊዜ ውስጥ በጥራት ገንብቶ ለየባለቤቶቹ ማስረከቡ የሚታወስ ነው፡፡
የቢዝነስ ዴቨሎፕመንት ዳይሬክቶሬት
