عاشور البسالة ما تبرد رجاله
كل واحد رَسَم لَه مَشاي بخياله
مولاي ما ينحَد جرحك على گد الغيرة
وغيرة خُدامك مولاي جبيره
يركبون لحزنك من ديرة لديرة
يا سر الباري يصعب تفسيره
الخدام فرد حزام لهالذ العام متحزمة
ربع حسين مخلوقين مو ليشي للخدمه
والعباس ما تنقاس الخدام هِمّة
دمع عيون.. بس يدعون.. يارب دوم هَالنعمة
خُدامك غيارة.. حزنك بانتظاره
شم نسمة غرامك.. غيرك ما حلاله
:::::::::::::::::::::::::::::::::::::::::::::::::::::::::::
يما أحلى تعبك يا غالي الزهراء
عند أهل الغيرة أيامك مو عشرة
أنت بخدامك يا مولاي. ادره
وداعت في رمشك حزنك مو فترة
يا أبو الخير.. حزنك غير
والبي زود.. يوصله..
كل شوهام لدنيا أيام لو ما بيك ما تحلى
باسمك لاد شاطر هاد بعز يعيش.. مو ذله
العين تشوف والمعروف ما ينسى.. من يغله
اليتنفس وصالك يعبر من خلالك
لآخر نقطة بالحب.. يتباهى بوصاله
:::::::::::::::::::::::::::::::::::::::::::::::::::::::::::
خادم وارد أسأل يا حلم أحلامي
أفتهمك حُب.. موقف.. مَبْدَأ سامي
لو دمعة وراسي بكل عاشر دامي
لو مَشّاية.. وموكب.. كُل ايامي
ساعة أنعاك.. ساعة أهواك يا روحي
يا مولاي.. أنت الراي.. يا شيخي ومذبوحي
يا العطشان.. مو إنسان.. بس الحسين جروحي
هايم بيك.. حق عليك.. لو ما بطل نوحي
يالماكو بحنانه جندي بجيشك انه
يا جنحي وأماني.. الأوصل من خلالك
:::::::::::::::::::::::::::::::::::::::::::::::::::::::::::
خدامك كل مَن محتار بروحه
يِسوي ما يملك.. يِواسي جروحه
خادم صاحب روحه المذبوحة
صار جفوف انه.. وحزنك شيلوحه
بدمعة وصاح.. ما يلاح حزن حسين وحيرة
يريد يروح.. للمذبوح.. ويترك كل شي غيره
اللي يريد.. يوصل أكيد.. خلي يمشي بتدبيره
كل ممشى.. كل ما حجاه.. بس بحسين السيرة
الحب نقطة بداية الما لا نهاية
حسين الحزن الأكبر هنياله البجاحة
:::::::::::::::::::::::::::::::::::::::::::::::::::::::::::
هنيالة التقضي وي حسين أيامة
ما يندل كل شي بس دَرْب خيامة
منذور لحزنك ما يرخى حزامه
يدنه لقلبك مولاي أحلامه
عِندة إصرار.. وقلبة اختار.. قلب حسين يختاره
للحب لون. يبين كون. للمحروك بناره
يوصل راد يشيل ارماد شيل ارماح بفكاره
والمنذر العاشور يسوى ارباه وصراره
روحه كربلائك يتنفس عزائك
كل عمره محرم ماحاجه لاهلالك
:::::::::::::::::::::::::::::::::::::::::::::::::::::::::::
قصيدة عاشور البسالة
أداء وكلمات مرتضى حرب
3June 13, 2026 1.7K 5
