القصيدة // حسين يابويه الرادود // سيد فاقد الموسوي الشاعر // أحمد… — قصايد سيد فاقد مكتوبه

قصايد سيد فاقد مكتوبه@a3rms2 · 1.5K subscribers Open in TelegramOpen

القصيدة // حسين يابويه
الرادود // سيد فاقد الموسوي
الشاعر // أحمد المشرفاوي ــــــــــــــــــــــــــــــــــــــــــــــــــــــــــــــــــــــ
شوف عيني وترس اذاني شلون چلمات انحچن
واحد يسمع الثاني كلشي ماعوزه الضعن
كون عدله امي اخذتني حالي ماحال المشت

لو امي موجودة چا خذتني
وجدامهه چا صعدتني
ولو مارضو چا ضلت وياي
عاللاقل چا مافارگتني

افتر بصف الهوادج بلكي يتغير الراي
شايله هديماتي بيدي ويسحل كواري وراي
حسين هم احتار مثلي مره رايح مره جاي

ناديت بويه حسين شفتك
تتلافت وعينك البتك
چندوب تتعذب يالحسين
چاخوب اخذني وياك وافتك

حسين يابويه يابويه يابويه
ــــــــــــــــــــــــــــــــــــــــــــــــــــــــــــــــــــــ
بروحي ماضلت احچايه ماگلتهه وي البچي
گمت بس ابچي واشر شفت مافاد الحچي
كل حمل ماشايلينه فوگه انامن وانتچي

منتچيه والحمال اجاني
شال الحمل بس ماخذاني
وكل حمل من جواي انشال
اركض وانام بحمل ثاني

حسين يابويه يابويه يابويه ــــــــــــــــــــــــــــــــــــــــــــــــــــــــــــــــــــــ
احچي وي الحمل وابچي
وحته من روحي استحيت
ياحمل معزوله نوگك مومثل حالي انسيت
ياحمل ماارضه ابقى غصبن عليه رضيت

ماضل گلب ماعاتبيته
وحمال ضعنك عطليته
زغيرونه گتله انضم بالهدوم
ونزلو الحمل لوثگليته

حسين يابويه يابويه يابويه ــــــــــــــــــــــــــــــــــــــــــــــــــــــــــــــــــــــ
اخ ياچلمت اخذوهه الماكو واحد گالهه
وروحي من گد ماخطيه تنحچي حسبالهه
الطفله اليخلوها اهلها لوتموت اشوالهه

بويه ادري بفراگي يكتلك
تباوعلي كل ماالتفتلك
تمشي واصيحن الله وياك
وترجع واگلك ماصحتلك

من تذكر عيوني الچنت وياهن تگضي السهر
هم جبتو طاريي وگلت ويانه كون بهل السفر
ــــــــــــــــــــــــــــــــــــــــــــــــــــــــــــــــــــــ

t.me/a3rms2/647 Translate