كامل سمعتو بالحادثة تاع الطفل أيوب لي خلات قلوبنا مكوية عليه، وخلاتنا كامل نعيشو لحظات من الخوف، وكل واحد فينا راه يستنى يسمع خبر يطمنو عليه
وأكيد كامل دعينا ومازالنا ندعيو ربي يفرج عليه، لكن وسط هاذ الحادثة، كاين حاجة ديما تتكرر ولازمنا نحبسو عندها شوية، وهيا "شحال من بلاصة فيها خطر نشوفوها كل يوم، بصح مانردوش بالنا منها؟"
بالوعة محلولة، حفرة، بير، ولا فتحة مغطية بحاجة نجهلو واش كاين تحتها، مرات نجوزو قدامها عادي ونقولو «واش راح يصرالنا؟»
حتى تجي اللحظة لي يطيح فيها الفاس فالراس ونكتاشفو بلي خطوة وحدة تقدر تبدل كلش، وهذا لي صرا مع وليدنا أيوب
لأنو البلاصة لي نشوفوها حنا حفرة عادية، الطفل ممكن ماينتبهش ليها أصلا، ولا يشوفها فضول، تحدي، ولا حاجة حاب يكتشف واش كاين داخلها
وعلى هاذ الشي، إذا صادفنا بلاصة تقدر تشكل خطر:
✅️ مانقربوش منها باش نشوفو واش كاين لداخل
✅️ مانخلوش الأطفال يقربو ليها، حتى لو تبان حاجة صغيرة
✅️ ننبهوا لي معانا ونبعدو الأطفال على هذيك البلاصة
✅️ وإذا كان الخطر في مكان عمومي، نبلغو الجهات المعنية باش يتم تأمينه
كملوا معانا في التعليقات الشبيبة 👇🏻
#بنيان_وعي
18September 6, 2026 553 2
