اشياء تخص الـ touch events غالباً وكم وحدة بـ safari لان بيه نوع من الـ retardation ما موجود بباقي الـ browsers الطبيعية
الي استعمله بالعادة هو الـ responsive mode مال browser، اختار شاشة تلفون واتست بيها من اشتغل حتى اشوف الـ layout بس هذا مو كافي بنوعية الـ bugs الي طلعتلي لان هي بالنهاية محاكاة مو بيئة browser تلفون حقيقية
اول حل اجة ببالي ان بدال ما استعمل
npm run dev
استعمل
npm run dev —host
هذا حيستعمل ip الحاسبة حتى كل الاجهزة الي مكنكة على نفس شبكة الحاسبة يگدرون يفتحون الفرونت اللوكل يمهم
بس هذا ما چان كافي لان داشتغل على الباك بنفس الوكت واغير بيه وما اگدر كل شوي ارفع نسخة اونلاين حتى اتستها، چنت محتاج الفرونت الي مشتغل لوكل على التلفون يوصل للباك الي مشتغل لوكل على الحاسبة
الحل الي لگيته لهيچ حالة، لان الفرونت مالتي مبني بـ nuxt رحت للـ nuxt config سويت بروكسي يسوي عملية اعادة التوجيه هاي، بحيث گمت اكدر من التلفون مباشرة اتست تغييرات الفرونت والباك
هذا البروكسي الي استعملته:
nitro: {
devProxy: {
'/api-proxy': {
target: 'https://localhost:44366',
changeOrigin: true,
rewrite: (path: string) => path.replace(/^\/api-proxy/, ''),
secure: false,
}
}
},
