عَلي تُعبر إذا حَطولي سِم بالزاد
وما تعبر عَلي وجوه مَسمومة
ناس تِحب خَراب وكُل طشاش ثنين
يحِسدون الگِصيبة اشلون مَلمومة
شَردت مِن السِجن مو حكمي چان طويل
ولا متضايگ مِن الگعده والگومه
واحد مِختلف يرضَى إعله نَفسه شلون
هدوم السِجن گلها مشابهه هدومه
بَس أنتَ العِزلتك بين هاي الناس
ورمَمتك وأنه بيوت أهلي مهجومة
بَس أنتَ الردت يومي گبُل يومه
لا تِلچم جروحي التَوها مَلچومة
عَصافير السوالف چالات بزور
وبَس تِشمر حَصه يگومن فَرد گومه
