مرات واحد يسويلك معروف وتفرح بيه وتبقى شاكر إله
بس المشكلة من يصير هذا المعروف بعدين سلاح بوجهك وكل ما تصير مشكلة يذكرك بيه ويگلك آني سويتلك وآني وگفت وياك وآني ساعدتك
المعروف إذا صار وراه منّة يفقد حلوته
لأن الخير الحقيقي ما يحتاج كل يوم تذكر الناس بيه
------------
رب العالمين يگول :
﴿يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُم بِالْمَنِّ وَالْأَذَى﴾
[ البقرة : ٢٦٤ ]
يعني حتى الصدقة اللي هي عمل خير ممكن تبطل إذا صاحبها منّ وأذى
وأهل البيت (عليهم السلام) علمونا إن المعروف ينطيه الإنسان لله مو حتى يبقى يطالب الناس بثمنه
------------
قال رسولُ الله (صلى الله عليه وآله) :
"لا تحقرن من المعروف شيئا ، ومن المعروف ان تلقى أخاك بوجه طلق وبشر حسن"
مُستدرك الوسائل ، ص٣٤٤
وأكو فرق بين إنك تذكر موقف حلو لشخص وبين إنك تستخدم المعروف حتى تكسر خاطره أو تخليه يحس نفسه مديون إلك طول عمره
يمكن الشخص اللي ساعدته نسى الموقف من زمان
بس إنت كل فترة تذكره بيه وتخليه يحس إن ما إله حق يعترض عليك لأنك سويتله معروف بيوم
------------
المعروف الحقيقي يبقى معروف حتى لو ما انذكر
والخير الحقيقي ما يصير منّة على الناس
إذا سويت خير لا تخليه سبب حتى تجرح أحد بعدين
لأن أجمل معروف هو اللي يظل بذاكرة الشخص كشي حلو مو كدين يظل يلاحقه
وأحيانًا الإنسان ما يحتاج منك فلوس ولا مساعدة
يحتاج بس معروفك يبقى معروف وما يتحول عليه إلى وجع
