فاروق جويدة: post #196 — TG.ME

صاحب الضويري _ قصيدة متعوب بدت بيه بلاوي تعارچ الحيل وهو يا حيل ضل بيه وماطل لون وكتي اجاني امشرعب الخيل ارد اضحك واكولن وكتي جاهل عفه گلبي اشحمل لوعات وشال مصايب سود من سود اليالي ماوچد تره اني امدوهن البال وناحط بالعذاب الماله تالي وحيد وللمودة اگصار الحبال ويعين الله الوحيد الماله والي يفر بيه الوكت فر المحاچيل وشمرني ابعيد ببحور المشاكل وخذني الروج عت وحدر السيل يلن جفي غده من الفوج عاطل يدولبني الزمان اشلون ماراد وانه امسلم رسنها امطاوع الگود الشرك لو لف يبويه اعله ابن الجواد يسچن واليصير يصير ويهود نشف ريجي وادور بلچي مو راد لعود وماهو ظنه يخضر العود تطش روحي وتلملمها التواسيل على الگطرة وتعز بيها المناهل واضل ملچود وارجه يعاود اسهيل ذبح روحي العطش ذبح المناجل حسافه اصباي يخلص بتهاليچ وحسافه الچف رچيچ وماي شابچ يدنيه اطول اديتي وهم اراويچ شسوي وعله روحي الضيم بارچ چا يمته يربي تفك شبابيچ نورك موشهي ضلمة المسالچ. اسهر والدموع امرافجه اليل ولا صاحب يشوف دموعنه تهل الرفاگه ؤيا رفيج الهمك يشيل اهل هالجيل عدوان وعواذل احس چن الونين برگبتي ادراغ وعت بسنين لوعه المات ابنها اتخطى اليالي ومامش اچراغ بيها وما ضحك مره زمنها وانه ادموعي دماهن زاغ ودباغ دمع نيل الجره وبضع جفنها وانه اكرمتك حلاوة ضامري وليل وحگ وحك عينك عيب اسايل وانه ادريبك عدل وتعدل الميل وما تكدر لان دنياك باطل جره بيه الالم مجره المرازيب وشب وجاغ گلبي من الطلايب وبكه عمري حماده وبس عراجيل وبصور الامل صارت خرايب وهذيج الروح دهله ومازرع طيب بيها من النودهم والكرايب چا هذا العمر منبت عواچيل والوادم عليه الريع حايل الوادم موش ذولاك الرياجيل التظن بيهم يعجرون المراجل