Vee Security: post #208 — TG.ME

السلام عليكم ورحمه الله وبركاته بوست خفيف لذيذ كده وفيه شويه تريكس وتيبس اولا نوشن : كنت دايما باخد نوتس عادي لحد ما صديق ليا قالي ان لازم اوضح كلامي بصور عشان يكون افضل ف جزء اني لما ارجع اذاكر يكون افضل اخد اسكرين شوت و ارسم اكتب كانت نوعا ما مرهقه ليا ف كنت قرأت تريك لطيفه عشان المساحه الليمتيد ف نوشن ان ممكن تسجل فيديو وترفعه علي يوتيوب وانت بتشرح لنفسك تفاصيل المعلومه الي اتعلمتها او اللاب الي حليته او الكود الي كتبته وتاخد اللينك تحطه ف نوشن و منها انك بتاكد علي فهمك الكويس بحيث لو حد سألك او وقفت تشرح لحد يكون الموضوع بسيط وسلسل ومتعود عليه تاني تريك ممكن يكون حد عارفها هي الدوركينج : زي مبتستخدم الدورك عشان تجمع معلومات عن موقع او شركه ممكن تستخدمه ف مذاكرتك يعني مثلا لما كنت بذاكر اندرويد ف حاجات كتير مكنتش فاهمها ف كنت باخد التوبيك واسيرش عليه كنت بلاقي هري كتير ف كنت بفلتر النتائج ب اني استهدف بلوجز اكتر من رايت ابس Topic name. Inurl:blog تالت تريك لطيفه : عشان جزئيه الحلال والحرام كتير مننا مش بيبقي مقتدر ياخد شهادات ف للاسف بيذاكر من مصادر غير شرعيه ( متسربه ) والي بيكون ساعات ملغم الكورسات دي بفيديا او كي لوجر او انفو استيلر الي اخره اكتشفت حل لطيف ومفيد بس هياخد وقت ويستاهل كل ثانيه تضيعه فيه الا وهو ندخل مثلا علي شهادة زي eWPTX بتاخد العناوين الرئيسيه تسيرش عنها مثلا XXE تسيرش علي اي الثغره وبتحصل لي واي السيناريوهات المحتملة لاستغلالها واي التأثير بتاعها وتقدر توصل منها ل اي وازاي كراجل بينتيستر تقدر تنصح الديفولبرز انه يصلحها هتحقق اكبر استفاده من تحصيلك للعلم هتلاقي الدنيا بسيطه وربنا هيباركلك عشان بتسعي ف الحلال هتفرق عن غيرك ف فهم التوبيك المعين ده وهتكون فاهم انت بتعمل اي رابع حاجه هي نصيحه عامه : حاول دايما تكون عارف انت رايح فين يعني داخل الكورس ده لي هتعمل الشي ده لي هتستفاد من اللغه دي ف اي عشان لما تزهق وتتخنق تفتكر السبب الي دخلته عشانها كل الطرق تؤدي إلى الهاويه لما متكونش عارف انت رايح فين حشو معلومات علي الفاضي لما تدخل كورس انت مش عارف هتطلع منه ب اي ذاكر بذكاء مش لازم تبقي بتذاكر ١٨ ساعه والشغل ده خليك عادي متنساش انها مجرد وظيفه عشان تجيب فلوس ف متنساش تعيش حياتك الكنز دايما في الرحله ان وفقت فما توفيقي الا بالله وان أخطأت ف انه مني ومن الشيطان