"المصافحة مش حرام المهم النية ـ عادي أسلم عليها دي زي أختي ـ أصله مد ايده مينفعش أحرجه ـ ده زي والدي مفيش مشكلة أسلم عليه!!"
هتلاقي نفسك دايمًا بتسمع المبررات دي وغيرها من الناس، طيب هل الكلام ده صح؟
أولًا: خلينا متفقين إن عندنا في الإسلام مفيش حاجة اسمها "زي" إحنا عندنا محارم وغير محارم.
ثانيًا: الدين وضع لينا شروط للتعامل مع غير المحارم واللي من ضمنها عدم جواز مصافحتهم.
قال رسول الله ﷺ: "إنِّي لا أُصافِحُ النِّساءَ"..
وقالت عائشة رضي الله عنها: "وَاللَّهِ ما مَسَّتْ يَدُ رَسولِ اللهِ ﷺ يَدَ امْرَأَةٍ قَطُّ، غيرَ أنَّهُ يُبَايِعُهُنَّ بالكَلَامِ"..
فمصافحة غير المحارم هو أمر شديد ولا يجوز، حتى لو كانوا من الأقارب..
النبي ﷺ قال: "لَأنْ يُطعَنَ في رأسِ رجلٍ بِمِخْيَطٍ من حديدٍ خيرٌ من أن يمَسَّ امرأةً لا تَحِلُّ له"..
ولا شك أن المصافحة من المس.
فأرجوك خلي بالك، لأن الأمر مش عادي.
1September 14, 2025 240
