🥛 KEFIR — YANGI «SUPERFUD»?
Biz kefirni butun umr oddiy ichimlik sifatida ichib kelganimizda, G‘arbda u hozir yangi mashhurlik to‘lqinini boshdan kechirmoqda. Kefir haqida Vogue va boshqa yirik nashrlar ham yozmoqda. Oddiygina bizning muzlatkichimizdagi mahsulot endi wellness — sog‘lom turmush tarzining yangi qahramoni sifatida taqdim etilmoqda.
Hatto «Bir hafta davomida har kuni kefir ichdim va mana nimalar bo‘ldi» kabi maqolalar ham ko‘paydi. Masalan, Prevention nashri dietologi bir hafta davomida har kuni bir stakan kefir ichib ko‘rgan va o‘zida energiya darajasi barqaror bo‘lganini, ovqatdan keyin esa qorin dam bo‘lishi yoki spazmlar kuzatilmaganini ta’kidlagan.
Kefirga bo‘lgan qiziqish, avvalo, uning tarkibi bilan bog‘liq. Kefir — tirik bakteriyalar va xamirturushlar yordamida fermentatsiya qilingan mahsulot. Uning tarkibida B guruhi vitaminlari, jumladan B2 va B12, biotin, kalsiy, magniy, kaliy va fosfor mavjud.
Kefirning ichak mikrobiomasi va hazm jarayoniga foydasi haqida ham ko‘p gapirilmoqda. Ayrim tadqiqotlarda uni muntazam iste’mol qilish «yomon» xolesterin miqdoriga ijobiy ta’sir ko‘rsatishi mumkinligi haqida ma’lumotlar keltirilgan.
Kefirga bo‘lgan qiziqish shu darajaga yetdiki, uni endi shunchaki ichish bilan cheklanib qolishmayapti. Kefir smuzilarga qo‘shiladi, salatlarga sous sifatida ishlatiladi, hatto u bilan gazlangan alkogolsiz kokteyllar ham tayyorlanmoqda.
Shuningdek, kokos va suv kefiri ham ommalashmoqda. Ayniqsa veganlar va laktozani yaxshi o‘zlashtira olmaydigan insonlar orasida.
New York Post esa kefirni trenddagi ichimlik deb atab, uning qarishga qarshi bo‘lishi mumkin bo‘lgan xususiyatlari haqidagi yapon tadqiqotini ham yoritgan. Tadqiqotda kefir tarkibidagi bakteriyalardan biri va uning keksa sichqonlardagi yoshga bog‘liq o‘zgarishlarga ta’siri o‘rganilgan.
Ammo bundan «kefir — yoshlik ichimligi» degan xulosaga kelish hali juda erta. Insonlarda buni tasdiqlash uchun yetarli dalillar mavjud emas.
Shunday qilib, biz uchun oddiy va odatiy bo‘lgan kefir G‘arbda hozir haqiqiy **“PRAYM ERA”**sini boshdan kechirmoqda. 😄🥛
Ba’zan eng zamonaviy “superfud” aslida buvilarimizdan beri dasturxonimizda turgan oddiy mahsulot bo‘lib chiqadi. ❤️
Pp & Fitness Trener Qayumova Muslima ( Shoxsanam)
#LADYFITNESS
#Соғломозамиз
@Taoml
@TRENERPP
August 29, 2026 69
