ازاي اقرأ قرأن كُل يوم من غير ماضيع ولايوم ؟ فيه فكره حلوه اوي دكتور… — تدبر القرآن و التفسير الميسر — TG.ME

- ازاي اقرأ قرأن كُل يوم من غير ماضيع ولايوم ؟ فيه فكره حلوه اوي دكتور حازم شومان كان قايل عنها فِـ سلسلة دستور الملتزم الجديد، صِدقًا لو اتبعتها مش هتضيع ولا يوم حرفيًا .. ١- انت كمُبتدئ هتحدد لنفسك ورد يومي ع قد مقدرتك ، وحط تحت ع قد مقدرتك ١٠٠ خط ، هتكثف ع نفسك ف الأول هتنتكس ومش هتكمل. ٢- حطيت لنفسك الوِرد وتمام ويكأنه صفحه مثلا ، تعمل بقا خط احمر للوِرد دا وهيبقي بنص صفحه بس .. يعني ايه ؟ يعني افرض جيه عليك حاجه اتلهيت فيها ولخمتك جدًا واليوم دا مش قادر تجيب وِردك كامل ! هيبقي عندك نص صفحه بس ف اليوم تقرأها لما تكون خلاص بقا بتموت ويومك مليان جدًا ومفيش وقت للوِرد الأساسي بتاعك، المهم اليوم ميعديش حتي ولو ب ٣ آيات. ٣- خلاص تمام بقالك فتره كويسه منتظم ع الوِرد، يبقي تِعلي بقا واحده واحده كنت بتقرأ صفحه مثلا خليهم صفحه ونص صفحتين وتبتدي تزود ف عدد الختمات، بعد ماكنت ف البدايه بتختم كل شهرين،تبتدي تختم كل شهر وهكذا.💙 ويبقى أعظم إنجازاتِ يومكَ ‏وِردٌ من القرآن لا تنقطعُ عنْه ابدًا 💙🦋"))