⛛ TESSERACT For College ⛛: post #403 — TG.ME

السلام عليكم - طلبة المرحلة الرابعة بطب العراقية ، هذا المنشور مخصص الكم فقط لان راح احجي بيه عن التدريب العملي الي موجود بالمرحلة الرابعة لمواد الاوسكي (باطنية ، جراحة ، توليد ، اطفال) وبقية الكليات المفروض يسألون الي اكبر منهم عن العملي مالتهم لان تختلف من كلية الى كلية . - بالبداية اني سجلت 2 فديوهات على العملي ، اول فديو بيه مقدمة عامة عن نظام العملي ونصائح عنه وبعدين بشكل موجز جدا لخصت الي لازم تسووا بالباطنية + التوليد لان اني شارحهن بقناتي مفصلا والفديو الثاني جان بيه عن الأطفال والجراحة مفصلا تقريبا ساعتين مدته ولكن للأسف صار خلل وما تسجل وضاع الشرح كله وما راح اكدر اعيده بعد لعدة اسباب ولكن رتبت الكم المفيد راح اوضحه بالأسفل . - لذلك الي اريده منكم هو ان تركزون وياي بالكلام بالأسفل حتى تستفادون من الي مقدمه الكم ، كالتالي : 🔴 1 ) تشوف الفديو الاول هذا الي صورته عن العملي ويتضمن مقدمة عامة عنه وكلام موجز عن الباطنية والتوليد ، الرابط : https://youtu.be/mQ85aCnRddY?si=chFQMAZMkw8g9oGf 🔴 2 ) تشوف فديو تدريب الباطنية & التوليد العملي الي مسجلهن لدفعتي ، بهاي القائمة : https://youtube.com/playlist?list=PLDUElf0E4RskVsN7Z17CCrLQjXCTiZ8Cf&si=NgmEV8BlZ98cD7Dg 🔴 3 ) تدخل الى هاي القناة الي سويتها الكم بخصوص العملي حتى ما تصير هوسة هنا ، راح تكون مرجعك بالعملي بكل الروتات لان كل شيء مفيد حطيته بيها وهذا الرابط : https://t.me/TESSERACT_College_Rotations 🔴 4 ) الأطفال اكو بالقناة اعلاه برقم 3 مثبت رسائل كاملة عليها وعلى مادتها وكل شيء يخصها ، اما الجراحة ف كذلك حاط بيها بالقناة المفيد كله وأثناء دوامكم راح تتعلمون اكثر شنو المفيد الكم لان ماكدر اعيد تسجيل الفديو للاسف ولكن مو مشكلة المنشورات بالقناة والدوام مالتكم راح يفهمكم كل شيء تحتاجون تعرفوا . - وبهيج نكون خلصنا كل شيء يخص العملي بالمرحلة الرابعة ، والى هنا ينتهي كل شيء عندي نظري + عملي مرحلة رابعة . - اتمنى تكونون استفاديتوا وشفتوا كل شيء قدمته لان راح تعرفون قيمته من تخلصون السنة ، كل التفاصيل الي ذكرتها هي كانت بمصلحتكم وان شاء الله تعدي الرابعة عليكم بخير وسلام . - النشر حاليا توقف ، راح ارجع انشر منشور بعد شهر من اليوم (8/25) استقبل بيه أسئلتكم على المرحلة الرابعة وبيوم (9/1) راح اسوي بث على التليغرام اسوي ملخص سريع على المرحلة الرابعة الجانب النظري فقط (الي ما شاف الفديوهات ما انصحه يدخل للبث) واجاوب اي سؤال عدكم بالبث وكذلك الي طرحتوها من يوم (8/25) الى يوم (9/1) واكلكم كلام جدا جدا مهم ما كلته بالفديوهات عفته على البث بعد شهر راح تعرفوا وضروري تسمعوا وهاي هيه يخلص كل شيء عندي تبقى ال MCQs ونصائح علمية معينة اثناء الدوام او قبل الامتحانات مالتكم ومثل مدتشوفون التعب الي تعبته والترتيب كله علمود تطلعون من الرابع باكبر فائدة وتوجيه صحيح ومن توصلون سادس راح تذكروني وتعرفون قيمة كل شيء كلته الكم حتى البث سويته كفكرة الكم حتى اي طالب عنده اي مشكلة اعالجها اله ويكدر يتفوق بالرابع ف شدوا حيلكم والى حينها نشوفكم بخير ❤️. - طلبة المرحلة الثالثة ، اني ناشر كل شيء تحتاجوا بالثالث ومسوي فهرس كامل الكم وعندي امور اضافية الكم صارت باخير سنة شفتها تفيدكم بالمرحلة الثالثة ف راح ادزها الكم قبل بدء دوامكم وهنا تلكون الفهرس : https://t.me/TESSERACT_College/328 - طلبة الكليات الأخرى ، هاي القناة تم تأسيسها لتوجيه الطلاب بكلية الطب على المصادر والأمور الي نعتقد هي صحيحة وراح تعود بمنفعة عليهم لأن للاسف لاحظنا قلة بتوافر هيج محتوى توجيهي يوجه الطالب ويعلمه ويفهمه شنو لازم يسوي او وين يقرة خصوصا بكليات مثل كليتنا العراقية الي ما راح تتعلم شيء منها بالكلية ف لازم تعتمد على نفسك ف احنه مسوين على الثالث وحاليا الرابع وورا ما اكمل الخامس اكيد راح اسوي على الخامس كامل ومفصل وبعدين على السادس وارجع اكمل الاول + الثاني بحيث تكون القناة مرجع كامل لكل طالب كلية طب وتبقى تتحدث من هذا الجانب فقط وهو الجانب التوجيهي العلمي الي الهدف منه بشكل أساسي توجيه الطالب على الطريق الصحيح والاستفادة من الوقت بالكلية لان بعد التخرج للأسف الي ما كدر يبني نفسه بالكلية راح يعاني هواي ف الي يحب يبقى بالقناة اهلا وسهلا او يغادر على راحته المهم استفاديتوا منها لان الي راح انشره على الرابع مستقبلا فقط ال MCQs وامور اضافية معينة علمية ولكن اغلبها تخص كليتنا طب العراقية وبعدين اكمل السلسلة من التوجيهات الي تفيد كل الكليات الى حين ما اتخرج .