#هام
خلال الفترة الأخيرة صارت توصل رسائل من أرقام محلية سورية، بتظهر عند بعض الأشخاص وكأنها رسائل ترويجية أو عروض عمل أو فرص تعاون من شركات معروفة أو جهات موثوقة، وهاد الشي بيخلي كتير ناس تتعامل معها بثقة بالبداية. لكن بالحقيقة جزء كبير من هالرسائل بيكون احتيالي ومضلل.
هالرسائل غالباً بتحتوي روابط مشبوهة، وأحياناً أرقام واتساب بيتم استخدامها لاحقاً بأساليب ابتزاز أو استغلال أو إساءة للمستخدمين. الهدف منها هو إقناع الشخص إنه يضغط على رابط أو يتواصل بحجة فرصة عمل أو دخل سريع، وبهيك ممكن تنسرق بياناته أو يتم استهدافه بشكل مباشر.
التعامل مع هالنوع من الرسائل لازم يكون بحذر كامل، وعدم فتح أي رابط أو مشاركة أي معلومات شخصية مهما بدا المصدر موثوق أو العرض حقيقي. الأفضل حظر الرقم فوراً، والإبلاغ عنه عند شركة الاتصالات لأنه بيساعد على تتبع المصادر المشبوهة والحد من انتشارها، إضافة لاستخدام أدوات الإبلاغ داخل تطبيقات المراسلة في حال تم التواصل.
هالأسلوب معروف عالمياً كنوع من التصيّد عبر الرسائل النصية، وهو منتشر بشكل كبير عالمياً وبيتم التحذير منه بشكل مستمر من جهات مختصة بأمن المعلومات وحماية المستخدمين
#جعفر_بدران
June 28, 2026 256
