10 نصايح عشان تستغل العشر أيام بتوع ذي الحجة على قد ما تقدر
1- الصيام:
متخليش الشيطان يقنعك إن صيام التسع أيام صعب! إنت صُمت رمضان كامل، وده كان أطول بكتير، يعني تقدر بإذن الله، دي أيام فيها أجر كبير أوي، فحرام تضيعها.
2- القيام:
حاول تصلي قيام الليل حتى لو بسيط، ركعتين بعد العشا مع وتر كفاية جدًا، ولو مش قادر، اقرأ آخر آيتين من سورة البقرة قبل ما تنام، في أجر كبير ليهم.
3- القرآن:
حاول تختم القرآن في العشر، يعني حوالي ٣ أجزاء في اليوم. ولو مشغول، اقرأ على قد ما تقدر، المهم متسيبش يوم يعدي من غير ما تفتح المصحف.
4- الصدقة:
لو تقدر تطلع صدقة كل يوم يبقى جميل جدًا. ولو مش متاح، مرة واحدة حتى خلال الأيام دي كفاية، والأهم إن النية تكون صافية.
5- الدعاء:
ادعي بكل اللي جواك وماتستقلش بأي دعوة. ربنا كريم وبيحب اللي يلح في الدعاء. اطلب كل اللي نفسك فيه، ليك ولغيرك، واعمل قايمة بدعواتك من دلوقتي.
6- الذِكر:
خلي لسانك دايمًا شغال بذكر ربنا، في أي وقت وأي مكان. استغفار، تسبيح، تكبير، تحميد.. حاجات بسيطة بس أجرها كبير جدًا.
7- السُنن:
حاول تمشي على قد ما تقدر منها، زي:
- تشرب وانت قاعد وعلى ٣ مرات
- تقول أذكار الصباح والمساء
- تتسحر حتى لو بحاجة بسيطة
- تنام على وضوء وتقول أذكار النوم
- تقرأ سورة الملك قبل النوم
- تحافظ على السنن الرواتب
- تقول للي بتحبه إنك بتحبه في الله
- تفطر بدري وتتسحر متأخر
- تدعي لغيرك من غير ما يعرف
- تتحكم في نفسك وقت العصبية
- تبتسم وتقول كلام حلو
8- التوبة والتغيير:💙
لو حاسس إنك عايز تتغير، دي أحسن فرصة. متسمعش لأي حد يحبطك، ربنا بيحب اللي بيرجعوله وبيحاولوا يبقوا أحسن.
ربنا يجعلنا من اللي بيغتنموا الأيام دي صح، ويكتب لنا فيها خير كتير وأجر مضاعف..💙
1
1May 5, 2026 66
