أخطر كلمة ممكن تضيع عليك أعظم فرصة في حياتك هي: "أنا أقدر أعمل كدة في أي وقت". الجملة دي مش مجرد كلمة، ده "فخ" التسويف اللي بيخلي السنين تسرقنا. سيدنا كعب بن مالك رضي الله عنه وقع في الفخ ده لما تخلف عن غزوة تبوك؛ كان كل يوم يقول لنفسه: "أنا قادر على ذلك إن شئت" (يعني لسه عندي وقت وأقدر أحصلهم)، فضل يأجل ويطمن نفسه بقوته لحد ما الفرصة ضاعت تمامًا، وصرخ من قلبه: "يا ليتني فعلت". إحنا بنعمل كدة مع رمضان.. بنقنع نفسنا إننا هنبقى شيوخ وعبّاد أول ما الشهر يبدأ، وبننسى إن: - التوفيق رزق: مش بـ "شطارتك" ولا بـ "قدرتك"، التوفيق بييجي للي صدق مع ربنا من بدري. - الفرصة الأخيرة: غزوة تبوك كانت آخر غزوة للنبي ﷺ، ومحدش كان يعرف. ورمضان الجاي ممكن يكون "النقلة" الأخيرة وفرصتك الكبيرة اللي مش هتتكرر. ما تستناش رمضان ييجي عشان تبدأ، ابدأ جهز قلبك من دلوقتي عشان ما تندمش بكرة وتقول "يا ليتني فعلت". قال الله تعالى: {وَسَارِعُوا إِلَىٰ مَغْفِرَةٍ مِّن رَّبِّكُمْ}. اللهم بلغنا رمضان بقلوب صادقة وعزيمة لا تفتر. #د_حازم_شومان.
أخطر كلمة ممكن تضيع عليك أعظم فرصة في حياتك هي: "أنا أقدر أعمل كدة في… — الطريق الي الجنه. 💙 — TG.ME
February 6, 2026 42
