▫️یئرین معلوم
دۆزموشم کدری، غمی اؤنومه،
قیشا تداروکوم وار، یئرین معلوم.
هارداسا آدینی چاشیب دئمیشم،
او گوندن اولموشام خوار، یئرین معلوم.
دئییرسن، بو دردین نهدیر کامالی؟
بو دونیا باشیما دار، یئرین معلوم.
سن دئییب-گولورسن، نه خوشدور حالین!
من ایسه ائدیرم عار، یئرین معلوم.
سسیمی دینلهمیر، ائشیتمیر هئچ کیم،
یئرین ده قولاغی کار، یئرین معلوم.
سن سیغال چکمهین ساچلاریما دا،
یاغیر آرام-آرام قار، یئرین معلوم.
#تورال_جعفرلی
#شعر_اوجاغی
@SheieOcagi
3September 9, 2026 131 2
