▫️یئرله گؤی آراسیندا
منیم آغریلاریم جسمانی دئییل،
بیر اوجو یئردهدیر، بیر اوجو گؤیده.
اومیدیم رنگارنگ گؤیقورشاغیدیر،
بیر اوجو یئردهدیر، بیر اوجو گؤیده.
کدر گؤزلریمده معنا قازانیر،
عؤمور خزان اولوب پاییزی آنیر.
یوللاریم اؤزومه ساری اوزانیر،
بیر اوجو یئردهدیر، بیر اوجو گؤیده.
آرخامجا سۆرونن گوناها باخدیم،
دۆنَنه اوز توتوب صاباحا باخدیم.
یوموب گؤزلریمی آللاها باخدیم،
بیر اوجو یئردهدیر، بیر اوجو گؤیده.
#تورال_جعفرلی
#شعر_اوجاغی
@SheirOcagi
