နာပိုလီအသင်းဟာ ဒိန်းမတ်တိုက်စစ်မှူးဟွိုက်လန်းကို မန်ယူနိုက်တက်အသင်းကနေ ယူရိုသန်း(၅၀)နဲ့ အပြီးသတ်ခေါ်ယူကြောင်း (၂)သင်းစလုံးက ကြေညာခဲ့ပါတယ်။ ဟွိုက်လန်းဟာ ပြီးခဲ့တဲ့ရာသီက နာပိုလီအသင်းအတွက် အငှားကစားချိန်မှာ အီတလီစူပါဖလားရရှိအောင်နဲ့ စီးရီးအေပြိုင်ပွဲမှာ အဆင့်(၂)နေရာရပ်တည်နိုင်အောင် ကူညီပေးနိုင်ခဲ့ပါတယ်။
နာပိုလီအသင်းဟာ အသင်းအတွက် ပွဲပေါင်း(၄၄)ပွဲပါဝင်ကစားပြီး (၁၆)ဂိုးသွင်းယူနိုင်ခဲ့တဲ့ ဟွိုက်လန်းကို ချန်ပီယံလိဂ်ဝင်ခွင့်ရရင် အပြီးသတ်ခေါ်ယူရမယ်ဆိုတဲ့ အချက်ကြောင့် အပြီးသတ်ခေါ်ယူခဲ့တာပါ။ ၂၀၂၃ ခုနှစ်မှာ အတ္တလန်တာအသင်းကနေ ရောက်လာခဲ့တဲ့ ဟွိုက်လန်းဟာ မန်ယူနိုက်တက်အသင်းအတွက် (၉၅)ပွဲပါဝင်ကစားခဲ့ပြီး (၂၆)ဂိုးသွင်းယူကာ ၂၀၂၃-၂၄ ရာသီမှာ FA ဖလားရယူနိုင်ခဲ့ပါတယ်။
မန်ယူနိုက်တက်အသင်းမှာရှိတဲ့လူတိုင်းက ဟွိုက်လန်းရဲ့အနာဂတ်အကောင်းဆုံးဖြစ်ဖို့ ဆန္ဒပြုကြောင်း နာပိုလီအသင်းက အပြီးသတ်ခေါ်ယူပြီးနောက် ထုတ်ပြန်ခဲ့တဲ့ ကြေညာချက်ထဲမှာ ဖော်ပြထားပါတယ်။
#555mix
#ibet789
#moung556
6June 3, 2026 11.6K
