တူရကီ စူပါလိဂ် ထိပ်သီးကလပ်
ဂါလာတာစာရေး အသင်းသည် 
အေစီမီလန် အသင်း၏ ပေါ်တူဂီ တောင်ပံ တိုက်စစ်ကစားသမား 
ရာဖာအယ် လီယောင်း ကို ခေါ်ယူရန်အတွက် သဘောတူညီမှု ရရှိသွားခဲ့ပြီဖြစ်ကြောင်း နာမည်ကျော် အပြောင်းအရွှေ့ သတင်းထောက် ဖာဘရီဇီယို ရိုမာနို က ဖော်ပြခဲ့သည်။ဂါလာတာစာရေး အသင်းသည် အသက် ၂၅ နှစ်အရွယ် ပေါ်တူဂီ လက်ရွေးစင် ကစားသမားအတွက် အပိုဆုကြေးများ အပါအဝင် စုစုပေါင်း ပြောင်းရွှေ့ကြေး ယူရို ၄၅ သန်း ပေးချေသွားမည်ဖြစ်သည်။ ထို့ပြင် အေစီမီလန် အသင်းသည် နောက်နောင် လီယောင်းကို အခြားအသင်းသို့ ထပ်မံရောင်းချပါက ရရှိလာမည့် အမြတ်အစွန်း၏ ရာခိုင်နှုန်းအချို့ကိုလည်း ခွဲဝေရရှိမည့် စာချုပ်ပါ အချက်အလက်များကို ထည့်သွင်း သဘောတူညီခဲ့ကြသည်။အခြားတစ်ဖက်တွင်
လီယောင်းသည် အင်္ဂလန် ပရီးမီးယားလိဂ် ကလပ် 
အက်စတွန်ဗီလာ အသင်းထံမှ တနှစ်လျှင် လစာ ယူရို ၇ သန်းမှ ၈ သန်းအထိ ရရှိမည့် ကမ်းလှမ်းမှု ရရှိခဲ့သော်လည်း ယင်းကို ငြင်းပယ်ခဲ့သည်။ ၎င်းသည် တနှစ်လျှင် လစာ ယူရို ၁၀ သန်းမှ ၁၂ သန်းအထိ ပိုမိုမြင့်မားစွာ ပေးအပ်သည့် ဂါလာတာစာရေး အသင်း၏ ကမ်းလှမ်းမှုကိုသာ လက်ခံရွေးချယ်ခဲ့ခြင်း ဖြစ်သည်။
