السادس - شخصية البطل

#تحسين_المعدل

شنو معنى هذا القرار ؟

هو قرار من قرارات وزارة التربية ينص ؏ إعادة السادس في حال انت ناجح بكل المواد ( سواء دور اول او ثاني ) بغض النظر عن سنوات الإعادة الأهم ناجح دور أول وما تريد تكمل جامعة وتريد تعيد السادس .


زين يمتى جان يجي ؟

سابقا كان يجي في وقت متأخر يعني بشهر ٢ او ٣ بحيث الطلاب داوم جامعة ومن تسمعه يجي تقرر تعيد السادس مثلا ما عجبه قبوله او كليتهم و يردون إعادة السادس .


يصير احسن معدلي بـ مادة او مادتين لان ما عجبني درجاتهم وأريد اصعدهن بالدور الثاني ؟

هذا النظام الي تحجي بي صحيح كان موجود بالسنة الدراسية ( ٢٠١٥ + ٢٠١٦ ) فقط بوقته اسمه التحسين ، الي بوقته اجه اذا الطالب ناجح دور أول و يريد يعيد امتحان مادة او مادتين فقط ؏ الدور الثاني فـ عادي تنلغي درجات السابقة بهاي المادة او المادتين و يمتحن بيهن من جديد بالدور الثاني .

لكن من بعد سنة ٢٠١٦ إلى ٢٠٢٢
هذا القرار نلغى و صار بداله صيغة جديدة للقرار والي هو تحسين المعدل اي الناجح من الدور الأول او الثاني يحقله يعيد السادس و بكل المواد شرط ! ينلغي معدله السابق و درجاته و قبوله و الشروط هي : يروح للمدرسة مسائية او يسوي انتساب وما يحقله يطالب بدرجاته السابقة او معدلة و قبوله و تنلغي كل درجاته ، و يعتبر طالب جديد بالدفعة الجديدة .

زين نجي هسه للاهم
بعد سنة ٢٠٢١ شنو صار ؟
الي صار #نلغى قرار تحسين المعدل سواء تعيد كل المواد ..الخ نلغى في سنة ٢٠٢٢ و كذلك ٢٠٢٣ و التربية أصرت ؏ اللغاء القرار هي و وزارة التعليم بحجه الرصانة .

هسه اجي لسؤالك اذا يجي تحسين المعدل يجي نفس ٢٠١٥ _٢٠١٦ الواحد يحقله يعدل درجته بالدور الثاني ؟

الجواب و الصريح و بعد الاستفسار
مستحيل يجي ...

زين اني نجحت من الدور الأول وبكل المواد
وما عجبني معدلي و درجاتي وأريد اعيد السادس اكو أمل يجي نفس ٢٠١٧_٢٠٢١ يحقلي اعيد و تنلغي درجاتي ؟

الجواب و بدون مجاملة ...
ما يجي القرار و نلغى رسميا

زين سوي حملة او مناشدة ...الخ
بـ ٢٠٢٢ و ٢٠٢٣ صارت حملات و مناشدات
و مظاهرات و مطالبات من مجلس النواب ..الخ

والتربية ابد ما استجابت ولا ناقشت ولا اي شيء و إنما كان جوابه هذا القرار نلغى وبعد ما يتكرر .