اولًا بس الله الرحمن الرحيم
السلام عليكم ورحمة الله وبركاته
الحمدلله دائمًا وابدًا 🤍
انا اختبرت اختبار الستيب وحصلت على درجة 79 من اول محاولة لي في هذا الاختبار كنت اطمح الى اعلى ولكن الحمدلله على اللي رزقني الله اياه
مدة المذاكرة تتراوح بين 30-37يوم كنت فيه ادرس مع دورة عايد للتدريب تأسست فيها قرامر واخذ مني تقريبًا 8-10 ايام اما ريدنق وليسسنق ما طولت كثير يعني 2-3 ايام كانت دورة شاملة جدًا ولكن عيبها انها ب 400 ريال واعتقد ان الحساني نفس الفكرة وممكن يكون اشمل ولكن عيبه انه بدون شرح
كانت مذاكرتي للريدنق اتابع شرح النموذج بعدين ابدا احفظ وكان ياخذ مني مجهووود كبيير الى ان اكتشفت ان ما يهم تتابع المقطع فقط احفظ السؤال واجابته ونصيحة خلص كل النماذج ولا تسمع للي يقول خلص اخر ٣٠ لا خلصهن كلهن بإتقان ومراجعة
اما القرامر بدون ما اتابع المقاطع فقط احل والاسئلة الي تواجهني فيها صعوبة اتابع شرحها وكذلك حاول انك تخلص كل النماذج بإتقان
والليسننق ذاكرت نماذج بسيطة والاكثر تكرار والحمدلله جاني منها حدود 9 اسئلة والباقي ما عرفته ويمكن انه موجود في النماذج ولكن انا ما ذاكرته بسبب ضيق الوقت
خلاصة الكلام الاختبار اذا حفظت الريدنق زين زين وعدته وراجعت وذاكرت القرامر زين بفهم وليس حفظ وذاكرت الليسننق الاكثر اهمية صدقني والله راح تاكل الاختبار اكل وراح يكون من امتع الاختبارات اللي اختبرتها ولكن عطه حقه
ونصيحة من شخص يبي لك الخير والله
الصلاة والوتر والدعاء والصدقة والاجتهاد
والله ان تحقق الي تبغاه مهما كان صعب
واخيرًا لا تنسوني من صالح دعواتكم والسلام عليكم ورحمة الله وبركاته 🤍😁
Forwarded from. .
33
2August 28, 2026 2.8K 15 16
