Affini Hara …?🤔
Xa'mo Nooe: Affini Hari Hajo Amaddinoonni Woga Turizimenna Konstiraakishinete Biirora
1. 10 diri alba (2008 M.D) Affini Hara 257 miiloonenni mucuqqi assine gundannita ammanne hananfoonni. Xaa geeshsha may loosami? Mageeshshi woxi fuli? May gati? Gatinore gudate mageeshshi woxi hasiisanno? Woxu mare biiloonna iillikkinni digatannona mitte pirojekite amandoonni yanna giddo guda hoogatenni kalaqamannoha (ilamanna daga kisanno kisaara) baaxxannohu ayti? Togoo ikkito dagatenna ilamate kaayyo aana loonsoonni bayra barshe, cubbonna gafo ikkinota huwattinoonni? Tennera xa'mamooshshu ayeoo la"anno? Xa'mamooshshu nookkiha 10+ gedensa "Hagiirru duduwo!" yinanni daa mayra hasiissu?
2. Tini "Beeti Arkitekiti" yineemme amaalaancho 3.5 miiloone lende, huucci'ne goonfe abbi'nummo yinanniti, Wogate Biiro martuwa baala hanqattannokkiti. Affini Hari 10 diro keeshshi woyte ledo gadhe keeshshituti, ballaho Shawwa Sidaamu Budu Mereershi diyayne 6 agani giddo loosse shiqishshanno gede sheemaaxxineenna mama ba'e gatturo anfoommokkiti "yawaawullete birxe!" xaano Affini Hari hoode goshooshi'nannisehu mayraati? Itophiyaho mitto hara amaale gudate dhuka afidhino amaalaano wole dino? Konniicho lowo huluullo nooena xawisse"e.
3. Affini Harinna Gudumaalu Paarke noo qarqari Hawaasi garbinni muli xeertinyira afamanno. Hattoo qooxeessa Kolideretenni latinaanni hee'noonnina kisaara ajishate Hawaasi Quchumi Kantiiwi Kalaa Xiraatu ledo xaadisi'noonniri noinso dino? Kalaa Xiraatu ledo xaadisira Abbichu ledo murote doogonni xaadate gede ikkinota mannu wodanchino?
4. Mito woyte xawishsha uynikkinni hajo giddoonni guxxine dagate guma calla leellisha hasiissannoha wogga kiirsiisino ajanda mitte qaafono ha'nikkinni songonna fotta xu'mine tuuta abbine suta hoongoommero diwoyyanno? Mite mite hajo odeessate dagate alba daate saallanni hajo saala ba'ne haafare hasaaphate mooraale isi maminni daggannoro diafoommo.
Mitu mitu manni, coy iima iima techo daye uwiwa calla lae, "Hashshu ballo!" yaanni hagiidhatenni calla ha'ra agure be'ro coy galiwa, coy bainowa, halaalu go'rinowa buuxi'ra xa'mamooshshu hasiisannowa xa'mamooshshe kalaqanni qaafa hasiissannosiha lawannoe.
Anera Affini Hari Hajo, dagganno ilama Sidaamu daga aana loonsoonni dhagge habbannokki barsheeti yeemmo. Konnira mootimmanna kontirakitereno ikko amaalaano xa'mama hasiissannonsa hajooti ikkinnina sammi yine dongenna dogamme sa"a hasiissannose hajo dikkitino.
30
11
1January 24, 2026 4.8K
