ازاي البنت تقبل أنها تكون لعبة للتسلية والمهانة من ولد معدوم الضمير؟؟
مش بقول كده تحامل على البنت ونسيب الشباب يعملوا اللي عاوزينه
✋بالعكس اللي بيتسلى بأعراض الناس هو أصلا مش إنسان وهيجيله انتقام الله عاجلا أو آجلا إلا أنه يتوب..ده حاجه مافيهاش كلام
لكن المقصود ..أننا بنخاف على البنات من اي حاجه تلوث سمعتها ،وتهدد مستقبلها
👈والمشكلة الكبيرة ...ان كتير من البنات بيستجيبوا لأى نصاب عاطفى ،المهم انه بيسمعها كلام الافلام فتبيع الدنيا وأسرتها عشانه ،ويكون ردها :((وإيه يعنى مش يمكن ))
وتصمم تكمل الفيلم الفاشل لحد النهاية المفجعة.
✋والحقيقة ،أن الحب الموجود في الأفلام والأغانى..ده حاجه مالهاش وجود ،بدليل أن اللي بيألفوه وبيغنوه وبيمثلوه فاشلين فى حياتهم الشخصية...كل ده تمثيل فقطط
غير ان كتير من قصص الجواز عن حب فشلت فشل ذريع وانتهت بكوارث مدمرة ..ده ليه ؟؟
_لأن العيون الملونة مش هتدفع الإيجار والكهرباء بدل صاحبها
_والرنات والأغانى ماتعرفش كيلو اللحمة وصل كام
_والأخ الأمور مايعرفش أن الولادة القيصرية عدت عشرة آلاف جنيه بمصاريف قبلها و بعدها.
_غير ان كل الحب ده مش هيبقى موجود لما تسمعي منه (( أجيب لك منين ،روحى بيت اهلك ))
وفى كل الأحوال ..انتي كبنت بتدفعي الثمن غالي جدا من عمرك ومشاعرك
عشان كده عاوزك تعرفي....
_ان البيوت مش بتتبني على العواطف بس ،البيوت بتتبنى على الأخلاق وتحمل المسؤولية ،ومن العشرة الطيبة هتيجي السكينة والمودة والرحمة .
⛔احمي نفسك من العلاقات دي واوعي تمشي ورا كلام صاحبتك اللي مش عارفه مصلحتها ولا مصلحتك وبتشجعك على العلاقات دي
احمي نفسك ..احمي قلبك ..
ماتضيعيش عمرك في الاوهام والجري ورا سراب
#الحب_وسنينه #رسايل
12
8September 1, 2026 454 4
