س/ماكنتش بحافظ على الصلاة وبضيع صلوات كتييير وفضلت كده فترة طويلة ممكن خمس سنين أو أكتر...أعمل ايه في الصلوات اللي فاتتني دي ؟
ج/ الحل دلوقتي مع التوبة والمحافظة على الصلاة في وقتها هو الاكثار من السنن عشان تعوض النقص اللي حصل في الفروض
في الحديث:
" إنَّ أولَ ما يُحاسَبُ به العبدُ يومَ القيامةِ من عملِه صلاتُه ، فإن صَلُحَتْ فقد أَفْلَحَ وأَنْجَح ، وإن فَسَدَتْ فقد خاب وخَسِرَ ، فإن انْتَقَص من فريضتِه شيئًا ، قال الربُّ تبارك وتعالى :
《 *انْظُروا هل لعَبْدِي من تَطَوُّعٍ فيُكَمِّلُ بها ما انتَقَص من الفريضةِ* ، ثم يكونُ سائرُ عملِه على ذلك》
فحافظ على السنن الرواتب (اللي هي ركعتين قبل الفجر +٤قبل الظهر +٢بعد الظهر +٢ بعد المغرب +٢بعد العشاء )
حافظ على الضحى والقيام والسنن المستحبه بكل أنواعها عشان تجبر النقص ده
***
س/ طيب لو انا محافظ على الصلاة بس ضاع عليا صلاة يوم أو اتنين مثلا ...هل عليا اعادتهم ولا اعمل ايه ؟
ج/ ايوة عليك اعادتهم طالما انهم مدة معلومه اذن عليك اعادتهم ع طول وماتتأخرش فيهم
فاتك فروض يومين ، خمسه ،أي مده معلومه انت عارفها يبقى تصليهم ع طول
**
س/طيب لو ضاع عليا فرض في اليوم كنت نايم او كنت بره ..مثلا ماصليتش العصر وأذن المغرب..اصليه تاني يوم في وقت العصر ولا اعمل ايه ؟
ج/ لا...
تصليه على طول أول ماتفتكره أو اول ماتصحى لو كنت نايم..ماتأخروش لتاني يوم
لحديث النبي ﷺ:
من نام عن الصلاة أو نسيها فليصلها إذا ذكرها، لا كفارة لها إلا ذلك
**
س/ لو كنت عامل حسابي اصحى الفجر وظابط منبه وكل حاجه بس ماسمعتش وصحيت الظهر ...كده أصلي فجر ولا لا؟
ج/ أيوة لازم تصلي أول ماتصحى ركعتين لقضاء الفجر اللي ضاع منك
مع العلم ان وقت صلاة الفجر أو الصبح بينتهي مع شروق الشمس ..مش مع اذان الظهر
**
19
3August 30, 2026 588 4
