الإنصاف اللي عندنا في الشرع هو إنصاف القرآن مع النصارى لما قال إن فيهم ناس بتحفظ الأمانة لكن في نفس الوقت قال عنهم كفار.
الإنصاف اللي عندنا في الشرع هو إنصاف النبي صلى الله عليه وسلم لما قال لأبي هريرة: صدقك (أي الشيطان) وهو كذوب.
أما الإنصاف اللي يخليك تنسى لواحد جرايمه عشان عمل موقف كويس وتكتب له تعليق: طول عمرك محترم أو بحبك في الله فده مش إنصاف. ده عبط.
المسلمون تتكافأ دماؤهم كما قال النبي صلى الله عليه وسلم. دم الفلسطيني زي دم المصري زي دم السوري.
أحمد مكي اللي عمل مشهد يقول فيه إن معتصمي رابعة كان بيضربوا اللي عايز يروح بيته. وهو اللي بيحاول يخرج ست من الاعتصام بعد ما انضربت. أحمد مكي اللي شارك في تشويه صورة أحد الضباط الملتحين البكاتوشي الله يرحمه وكذب عليه. أحمد مكي اللي شهد الزور وأعان على تبرير أكبر إبادة في تاريخ مصر الحديث. الناس بتعلق عنده وبتقول له طول عمرك محترم وبنحبك في الله.
باسم يوسف اللي قعد يترقص ويغني وهو بيشمت في قتلى رابعة وبيقول والسيسي لعبها صح والإخوان اشتكوا م الدح.
اللي زي دول لو عايز تبقى منصف معاهم ممكن تقول إن كلمتهم في الموقف الفلاني كانت جيدة. أو إن أسلوب رد فلان كان كويس. لكن إنك تقول عن ناس بتشمت في دم إخوانك المسلمين محترمين تبقى عبيط.
الفلسطينيين بدؤوا ياخدوا حقهم عشان مانسيوش اللي اتعمل فيهم. عشان الأجيال بترضع تمسك بالقضية ورغبة في ثواب الآخرة وتحرير أرض المسلمين. وأنت نسيت القضية بعد ما مر على دماء إخوانك عشر سنين؟! إخص!
من عشر سنين كنا بنبكي على أسماء البلتاجي وعلى عبد الرحمن فرج وحبية أحمد عبد العزيز ومهند سلام ومحمد ياقوت وأسماء صقر ومئات غيرهم. كنا بنبكي زي ما بنبكي دلوقتي على نساء وأطفال عْرْة. لو نسيتم أنا مش هانسى. مش بزايد بس ماعنديش طريقة تانية أعبر بها عن حسرتي. لما أنتم نسيتم، يا ترى ولادكم حالهم ايه؟!
حسام أبو البخاري وحازم صلاح لحد دلوقتي في المعتقلات بسبب أحمد مكي وأمثاله. النساء بقالها عشر سنين واقفين على أبواب السجون منتظرين الزيارة بسبب أحمد مكي وباسم يوسف وأمثالهم. البيوت اللي اتخربت والنساء اللي اتطلقت عشان أزواجهم في المعتقلات ومش لاقيين حد يصرف عليهم بسبب أحمد مكي وباسم يوسف وأمثالهم. كل واحد أقنع الناس إن دول إرهابيين أو شمت فيهم هو مشارك.
لو نسيتم ربنا لا ينسى. كل ظالم له يوم
117November 4, 2023 5.1K 44
