كملت ✔️👎🏻👎🏻👎🏻
رأيي بيها من بدايتها لنهايتها ما تغير أبد، ما أنصح أحد يضيع فلوسه عليها ولا حتى وقته ويقراها متستاهل القراءة ومضيعة وقت.
عجيب يعني تسرد أحداث لعائلة من ٦ أجيال جيل أسوء من القبله ماكو بصيص أمل ولا حتى شخصية وحدة تجذبك أو تحسها طبيعية ماشيه صح !!
بداخلي مشاعر سلبية هواية أتمنى كلها اكتبها بس ما أريد واني چنت أعرف انو حتى لو استمريت وخلصتها للنهاية مرح تعجبني بس كملتها ك تحدي حتى خاف أحد يمدحها گدامي فأكون ع اطلاع كامل لمحتواها وأنطي رأيي الصريح بدون تردد.
تخيلوا وياي رواية من ٤٧٠ صفحة لا بيها متعة ولا تعلق بفد شخصية ولا فضول ولا فرح ولا ضوجة على أحداثها ولا أي شيء، عبارة عن هوسة بحيث هوستهم دخلت لعقلي وهوسته يعني اقرأ واني مزاجيي متعكر، وحدة من أسوأ الروايات الي قاريتهم.
#مائة عام من العزلة
15August 22, 2026 470 6
