(1) حضرتك أنا مش فاهمة لما حضرتك بتقول إن الجواز والحب أوفر ريتد؟
ج/ أوفر ريتد معناه مبالغ في تقديره..
واقع الناس أنهم يتعاملون مع الحب والزواج كما لو كان هو الحياة، هو الدنيا، هو منتهى الأمل= هذه الطريقة مضرة جدا، وبالمناسبة قدر من الاستغناء وعدم المبالغة في هذا التقدير توفق لزواج أحسن.
اللي متابعني أو بيحضر معايا "الزواجي والأسري" عارف أنا أد إيه بتكلم عن أهمية الزواج، بس الزواج مش الأكل والشرب هي دي الفكرة، الحاجات المهمة درجات في أهميتها، عدم استيعاب أن أهمية الزواج لا تجعله هو الحياة مهمة جدا لحياة أفضل.
يا جماعة ده فيه ناس بتبعت لي: إيه اللي ممكن يتعمل في الحياة لو مفيش زواج!!
ده جنون والله..
——————-
(2) ممكن ليست قائمة الأنشطة اللي ممكن أعملها كبنت لسه متخطبتش وحقيقي تفكيري تفكير Hopeless Romantic درجة أولى؟
ج / التعلم.
تطوير المهارات
الرياضة
العمل الخيري
نشر الوعي والمعرفة في الناس
الهوايات المتنوعة: اكتبي على جوجل إيه الهوايات اللي ممكن تعملها بنت سنها كذا، ده غير الهوايات المفترض تكون عندك بالفعل..
القراءة، حفظ القرآن، وأماكن التحفيظ النسائية فيها فرص للزواج.
——————
(3) غ.س: أبويا عنده فلوس ومقتدر إنه ينزلني الجيم وفسح وبتاع، بس بيقول مفيش بنت محترمة تروح الجيم! فمش دايما احنا السبب..
ج/ هو الرياضة مقتصرة على الجيم؟
أنا ما بنفيش العوائق المجتمعية بس بقول فيه دايما فرصة لتجاوزها والالتفاف حولها.
الشيخ أحمد سالم
💬 Follow on WhatsApp
📧 How to Contact Us
💳 Support us
58
6September 5, 2026 4.7K 43
