CHERNOBYL
المسلسل يحجي عن كارثة تشيرنوبيل
اكبر كارثة نووية بالتاريخ .
والطريقة الي تم التعامل بيهة وية هاي الكارثة .
المسلسل مثالي من كل النواحي . اخراج . انتاج تصوير . شرح القصة .الموسيقى التصويرية وتصوير حجم الكارثة .
افضل ما بالمسلسل انه ما احتاج احداث خيالية حتة يحسس المشاهد بالرعب . لا يكفي انو كل الاحداث الي بي جانت حقيقية وهذا ما يخلي المشاهد يعيش بتوتر طول احداث المسلسل .
.
من الشغلات الي لازم تنذكر انو المسلسل ما يشرح الكارثة فقط .
انما يحجي عن الانكار . الكذب والخوف من قول الحقيقة
.
لحضة اكتشافهم ان المفاعل انفجر و عدم تصديقهم لهذا الشي جانت وحدة من افضل الاحداث.
لكن من وجهة نضري اشوف انو المشهد الي شرحو بي شلون يعمل المفاعل هي الافضل.
بالنهاية ما اعتقد انو احد راح يشوفة و يتندم لا بالعكس اني متأكد انو اي احد يشوفة يضل عالق بذهنة للأبد .
التقييم على IMDB 9..5
تقييمي الشخصي 9.7
Forwarded fromThe Rogue Prince
2August 22, 2026 78
