مسااا الخير للدفعة الغالية ع قلوبنا جمعة مباركة ومليانة رضا 💚 بعد نص شهر من عجقة الدوام وبدايتو وبعد حماس البدايات يلي كان مليان تصوير وكل شي حلو 😌 لو قعدت مع حالك وأخذت نفس يمكن تلاقي نفسك ضايع .. مقضي نص وقتك بالطريق للجامعة وشارد😁 وعليك تراكم نظري وشغل للعملي ورح نبلش مذاكرات وهنا تبدأ دوامة الضياع بالازدياد ومنصير نهرب من كل التفكير للفيس، انستا يوتيوب ...الخ حبيت شارك تفكيري بهيك فترة بجملة بتقول: "لا تصارع أو تتمنّى زوالَ الأحداثِ غير المتوقّعة في حياتك ففي الوقتِ المناسبِ وبطريقتِها الخاصّة ستثبتُ لكَ أنّها تُحسّن من حياتِك بشكلٍ ما" كل حدث عم يصير حالياً ليبني جزء فينا قد ما كان سيء (غربتك عن أهلك .. السفر وتعبو .. الدوام ومللو .. ورفقاتك يلي انفرزو بفروع تانية ووحدتك اذا لسا ما كونت رفقات👀) رح تكتشف فيو شي جميل فيو بالمستقبل القريب أو البعيد🥲 كل يلي عليك تعيش اللحظة وما تهملها .. عندك مشكلة صار معك الوقت انك تحلها وعندك الوقت لترسم ذكريات حلوة تخفف عليك الضغط وتحط خطة لأشياء ناوي تعملها .. لأنو فترة الجامعة مو بس لنبقى ندرس 🫣.. وهالشي ما بعني نترك الدراسة؛ هالشي بعني نحاول نوازن قدر الإمكان بالشي يلي علينا ونتقبّله .. ونحط ببالنا مو دائما منقدر نوازن بكل شي بس المهم نعطي لكل شغلة وقتها الصح والكافي من دون ما تغطي على أولوياتنا الثانية💚 حبيت أتذكركم بشيء بسيط بعد غياب لا تنسونا من دعواتكن الجميلة والصالحة❤️🩹
101
3
3
2
2
