تعود ما تقول عن شي صعب تأقلم مع فكرة انه انت اخترت او بالأحرى ربنا اخترلك أعلى فرع بالجامعة ولو مانك قد هالشي فانت ما كنت هون .. اقتنع بفكرة إنك قوي .. إنك جبّار .. إنك جبل لازم يضل واقف بوجه كل هالصعوبات رغم انو كل الظروف ضدو 💔 طالما عم تقول الكتاب ضخم فما رح تلحق ! طالما قاعد عم تندب وتشكي وتقول ياربي كيف رح الحق فانت ما رح تلحق ! طالما زارع ببالك فكرة انو انت مو قادر تجمع كل هالمعلومات بذاكرتك فعقلك الباطن رح يتبرمج عهالأساس ورح يصير اقل قابلية لتلقي المعلومات لانو فيو اشارات داخلية معنوية عم تثبطو .. كلنا تعبانين .. كلنا عنا امتحانات .. كلنا عنا ألف ظرف بثبط قدرتنا عالدرس بس صدقوني خلال كل فترات الامتحان يلي مرت عليي تعلمت انو كلشي قد ما كان صعب رح يمر ، وكل شي هلأ شايفينو مستحيل بكرا رح يصير عادي .. غمضوا عيونكم وفكروا بالأشياء الحلوة .. تخيل انه قدمت الوراثة وطلعت عامل منيح روح عالفحص وانت واثق انك رح تجيب المادة معدل .. لا تردد عبارات تثبيطية لانه دماغك بصدق كل شي بتقولو .. بعدوا عن السلبية .. وازرعوا الايجابية زرع حتى بنص السلبية .. خليها هي النبتة الخضرا بنص الصحرا .. وتذكروا دائما انو كل شي الو حقو ، وما في شي بالدنيا بتحصل عليه بلا مقابل .. واحلامنا غالية لهيك لازم ندفع حقها من عمرنا .. من روحنا ..من قلبنا..من مشاعرنا❤ أعطي من قلبك .. ادرس بقلبك وروحك وعقلك قدم كل يلي عندك وقول يارب ورح تلاقي كيف الله رح ييسرلك كل الخير ❤ ادعوا لصاحب فكرة البوست وادعولي كمان هالفترة صعبة علينا الكل ❤️ كل الحب و التوفيق .. قلبي معكم ❤ @pre9ss
193
31
3
1
